قازاقستان ينكليۋزيۆتى قوعام قۇرۋ جولىندا ناقتى قادامدار جاساپ كەلەدى. بۇگىندە ەلدە 700 مىڭنان استام مۇمكىندىگى شەكتەۋلى ادام ءومىر سۇرەدى. ولار – قيىندىققا مويىماي، ەرىك-جىگەرىمەن، تاباندىلىعىمەن وزگەلەرگە ۇلگى بولىپ جۇرگەن جاندار.

مۇگەدەكتىگى بار ازاماتتار ءۇشىن الەم ءالى دە تولىق قولجەتىمدى ەمەس. قوعامدىق كولىكتەر، عيماراتتار، ءبىلىم بەرۋ مەكەمەلەرى مەن جۇمىس ورىندارىنىڭ ءبارى بىردەي بەيىمدەلمەگەن. ءبىراق سوڭعى جىلدارى بۇل باعىتتا كوپتەگەن وڭ وزگەرىس بايقالۋدا. قالا كوشەلەرىندە پاندۋستار كوبەيىپ، ينكليۋزيۆتى ءبىلىم بەرۋ كەڭىنەن ەنگىزىلۋدە.

پاراليمپيادا چەمپيونى ساندۋعاش سارىبەكوۆا ءوز ءومىرىن بىلاي سيپاتتايدى: «مەن بەس جاسىمدا اۋىر جاراقات الىپ، جۇرە الماي قالدىم. ءبىراق وتباسىمنىڭ قولداۋى مەن سپورتتىڭ ارقاسىندا ءوزىمدى قايتا تاپتىم. ءجۇزۋ – مەنىڭ ءومىرىمدى وزگەرتتى. ءقازىر مەن جەڭىستەرىم ارقىلى باسقالارعا موتيۆاسيا بەرگىم كەلەدى»، – دەيدى ول.

ساندۋعاش بۇگىندە حالىقارالىق جارىستاردا ەل نامىسىن قورعاپ ءجۇر. ونىڭ تاباندىلىعى جاستارعا ۇلگى.

كاسىپكەر ايگۇل قۇرمانوۆا دا ەرتە جاستان باستاپ قيىندىقپەن كۇرەسىپ كەلەدى. ون ءۇش جاسىندا سىرقاتتان كەيىن قوزعالىسى شەكتەلگەنىمەن، ول قوعامعا پايدالى بولۋدىڭ جولىن تاپتى. ءقازىر ايگۇل مۇمكىندىگى شەكتەۋلى جاندارعا ارنالعان ونلاين ءبىلىم بەرۋ جوبالارىن باسقارادى.

ينكليۋزيۆتى قوعام قۇرۋ تەك ينفراقۇرىلىممەن شەكتەلمەيدى. بۇل – ءار ازاماتتىڭ تەڭ قۇقىققا يە بولۋى. زاڭدار قابىلدانىپ، الەۋمەتتىك قولداۋلار كۇشەيىپ جاتىر. جۇمىس بەرۋشىلەرگە كۆوتا ءبولىنىپ، ارنايى باعدارلامالار ارقىلى كاسىبي وقىتۋ قولعا الىنۋدا.

مۇمكىندىگى شەكتەۋلى ادامدار – تەك كومەككە مۇقتاج ەمەس، وزدەرى دە قوعامدى العا سۇيرەيتىن كۇش ەكەنىن دالەلدەۋدە. قازاقستان وسى جولدا نىق قادام باسىپ كەلەدى.