"مەملەكەتتىك قىزمەت ىستەرى جانە جەمقورلىققا قارسى تۇرۋ اگەنتتىگى الماتى «مەتروپوليتەنىنىڭ» ەكس-ديرەكتورى، الماتى قالالىق ءماسليحاتىنىڭ دەپۋتاتى مۇرات وكشەبايەۆتىڭ ۇستىنەن قىلمىستىق ءىس قوزعادى" دەيدى-مىس.
الايدا بۇل تۋرالى اتالعان اگەنتتىكتىڭ ءوزى قانداي دا ءبىر اقپارات بەرگەن جوق. اگەنتتىكتىڭ باسپا ءسوز قىزمەتىنىڭ ايتۋىنشا، الداعى ۋاقىتتا اتالعان ماسەلەگە بايلانىستى ب ا ق وكىلدەرىنە ارنالعان جيىن وتەدى...
ايتا كەتسەك، الماتى «مەتروپوليتەنىنىڭ» ەكس-ديرەكتورى مۇرات وكشەبايەۆتىڭ ۇستىنەن وسىدان 6 جىل بۇرىن قىلمىستىق ءىس قوزعالىپ، ءۇن-تۇنسىز جابىلىپ تىنعان ەدى. ول تۇستا وكشەبايەۆ ءۇيقاماققا الىنىپ، مۇنى الماتى قالاسىنىڭ اكىمى احمەتجان ەسىموۆتىڭ ءوزى راستاعان بولاتىن. «وكشەبايەۆ ءۇيقاماقتا وتىر، ۋاقىتشا ديرەكتوردىڭ قىزمەتىن اتقارعان رينات ابۋعالييەۆ تەرگەۋ يزولياتورىندا جاتىر»، – دەگەن ەدى ەسىموۆ.
ايتا كەتسەك، 2009 جىلى وكشەبايەۆتى قاماۋعا الۋعا الماتى قالاسى بويىنشا ۇلتتىق قاۋىپسىزدىك كومتيتەتى پارمەن بەرىپ، وعان «مەترو قۇرىلىسىنا بولىنگەن قارجىنى ماقساتسىز پايدالاندى (ولار ەرىكتى ساقتاندىرۋعا جۇمسالعان) جانە قارجىلىق قۇجاتتى راسىمدەۋدە زاڭسىز ارەكەتكە جول بەردى» دەگەن ايىپ تاققان بولاتىن.
سونىمەن قاتار، ەسىموۆ اتالعان ايىپتاۋلارعا قاتىستى وكشەبايەۆ 120 ملن تەڭگەنى قالتاسىنا باسقانىن دا ايتقان-تۇعىن. «تەرگەۋ بارىسىندا بۇل اقشا تولىق كولەمدە قايتارىلدى» دەگەن ەدى قالا اكىمى.
ال بۇل جولى وكشەبايەۆقا قانداي ايىپتاۋلار تاعىلعانى بەلگىسىز. انىعى، الداعى ۋاقىتتا بۇل تۋرالى مەملەكەتتىك قىزمەت ىستەرى جانە جەمقورلىققا قارسى تۇرۋ اگەنتتىگى تولىققاندى اقپارات بەرەدى دەپ سەنەمىز.
