شىنىمەن، شەتەلدىڭ بانكتەرىندە جاتقان، بولماسا مۇلىك رەتىندە «ءوڭىن وزگەرتكەن» ميللياردتار قاشان قايتادى؟ بۇعان مەركەل بىلاي دەپ جاۋاپ بەرىپتى.
– بۇل – وتە كۇردەلى ماسەلە. بۇۇ-نىڭ اياسىندا كوررۋپسياعا، ترانسۇلتتىق قىلمىسقا جانە ەسىرتكىگە قارسى كونۆەنسيالار بار. ءبىراق، بۇل قۇجاتتار ۇسىنىس نەگىزىندە جۇرەدى جانە كوپ ەلدەر بۇلاردى قولدانۋعا كەلىسە بەرمەيدى. وسى كونۆەنسيالار اياسىندا قانشا جەردەن جۇمىس ىستەۋگە تىرىسقانىمىزبەن، تۇك شىعارا المادىق. شەتەلگە كەتكەن اقشانى قايتارۋ ءۇشىن ەكىجاقتى كەلىسىمشارتتار كەرەك.
جاقىندا ۇلىبريتانيامەن ءدال وسىنداي كەلىسىمشارتقا قول قويدىق. بۇل قۇجاتتا كاپيتالدى قايتارۋعا قاتىستى ءتيىستى نورمالار بار. سوعان ساي مەملەكەتتىڭ قارجىسى ۇرلانعان بولسا، ول تولىقتاي قايتارىلادى. ءبىراق، ونى ءبىر كۇندە ورىنداي المايسىڭ. مەملەكەتتەن ۇرلانعان اقشاعا نەگىزىنەن جىلجىمايتىن مۇلىك الىنىپ قويعان، اقشانى سوعان سالعان. ال الىپ ۆيللانى قازاقستانعا اكەلە المايسىڭ. ونى ساتپاس بۇرىن، الدىمەن باعالاۋ قاجەت. بۇل – ۇلكەن جۇمىس.
شەتەلگە كەتكەن اقشانى اقىر تۇبىندە قايتارۋعا بولادى. ءبىراق، بۇل ءۇشىن الدىمەن ول اقشانىڭ شىنىمەن دە مەملەكەتكە تيەسىلى ەكەنىن جانە قازاقستاننان زاڭسىز الىنىپ شىعارىلعانىن دالەلدەۋگە ءتيىسپىز. بۇل دا – ۇزاق جۇمىس. كەدەرگىلەر كوپ. ويتكەنى ءار ەلدىڭ زاڭى باسقا.
