پروكۋرور ايجان ايماعانوۆا سوت وتىرىسىندا نۇكەنوۆا مەن بيشىمبايەۆتىڭ جەكە اڭگىمەسىن وقىپ شىقتى، - دەپ حابارلايدى Dalanews.kz.
حاتتاردان بيشىمبايەۆ گەولوكاسياعا بولا اشۋلانعانىن كورۋگە بولادى.
«مەن سەنى كورمەيتىن بولسام، نەسىنە گەولوكاسياڭدى قوساسىڭ؟ مەن سەنى كورمەي تۇرمىن» - دەيدى بيشىمبايەۆ.
«مەندە 1000 جىلدان بەرى سولاي تۇر، ءۇيدىڭ بۇل جاعىندا Wi-Fi ۇستامايدى» - دەپ جازعان سالتانات.
سونىمەن قاتار، سوتتا بيشىمبايەۆ سالتاناتقا تۇنگى ەكى جارىم مەن ءۇش جارىم ارالىعىندا بىرنەشە رەت حابارلاسقانى ايتىلدى. الايدا سالتانات تۇتقانى كوتەرمەگەن. بيشىمبايەۆ تۇنگى ۋاقىتتا حابارلاسۋىن ۋاقىت الشاقتىعى دەپ تۇسىندىرگەن. ونىڭ سوزىنشە، سالتانات ەلدە بولعان، ال بيشىمبايەۆ تۇركيادا بولعان.
مەملەكەتتىك ايىپتاۋشى سالتاناتتىڭ تەلەفونىندا ساقتاپ قويعان جەكە جازبالارىن دا وقىدى.
«قۋاندىق، مەن پاۆلودارعا كەتىپ بارا جاتىرمىن. ەندى كەلمەيمىن. بۇل كۇندەرى مەن ارامىزدا سەزىم جوعىنا كوزىم جەتتى. ەشتەڭەنى ساقتاپ قالعىم كەلمەيدى. سەن ءتىپتى كوزىمە ءشوپ سالعانىڭ ءۇشىن ءتىپتى كەشىرىم سۇراعان دا جوقسىڭ. ونىڭ ءۇشىن ەشتەڭە ىستەگىڭ دە كەلمەدى. بارىنە مەنى كىنالاپ، “پسيحوتەراپيەۆتكە بار” دەپ قويمادىڭ. سوقىرلىعىڭ سونشا، ونىڭدى كوتەرە الار ەمەسپىن. كەشىر مەنى، ۇمىت، بوسات. ءبارىن شەشتىم. اتا-اناممەن بولام، ولار ماعان قارايدى»، - دەپ جازعان سالتانات تەلەفونىندا ساقتاپ قويعان جازباسىندا.
سونداي-اق سالتانات مۇنداي قارىم-قاتىناستان شارشاعانىن جازعان.
«سالەم، جانىم، وسىنىڭ بارىنە جۇرەگىم اۋىرادى. مەن سەنىڭ وسىعان دەيىن ىستەگەن ارەكەتتەرىڭدى باعالايمىن، ءبىراق مەن مۇنداي قارىم-قاتىناستان شارشادىم. بۇل ءومىر ەمەس. مەن سەنىڭ ويىنشىعىڭ دا، بالاڭ دا ەمەسپىن. مەن اۋرۋ ەمەسپىن. سوندىقتان ماعان 24/7 ماعان نە ىستەۋ كەرەگىن ۇيرەتۋدىڭ قاجەتى جوق. مەنىڭ ءوز ءىسىم بار. ماحاببات پەن نەكەنى ساقتاۋ ءۇشىن ءوزارا سىيلاستىق كەرەك. ءبىز بىر-بىرىمىزگە تىرەك بولۋىمىز قاجەت، جاۋ ەمەسپىز، جارىمەستەر سىندى جاۋلاسپاعانىمىز ءجون. ەكەۋمىز اراقاتىناسىمىزدى كوپ تالقىلاعانىمىزبەن، مەن بۇدان شارشادىم. ساعان ۇرىس-كەرىستى اۋىر قابىلدايمىن دەپ ايتقان ەدىم. سونىڭ كەسىرىنىنەن جۇيكەم سىر بەردى. ەندى وز-وزىممەن جۇمىس ىستەپ، سەن ءۇشىن وزگەرۋگە تىرىسامىن، ساعان ۇناۋ ءۇشىن ءبارىن ىستەيمىن»، – دەگەن سالتانات.
