تۋريزم جەنە سپورت مينيسترلٸگٸنٸڭ جۇمىس توبى مەملەكەتتٸك قىزمەتشٸلەر مەن قۇقىق قورعاۋ ورگاندارىنا قۇمار ويىندارعا تىيىم سالۋدى قاراستىرۋدا, – دەپ حابارلايدى Dalanews.kz.
قر تۋريزم جەنە سپورت مينيسترلٸگٸ جانىنداعى مەملەكەتتٸك قىزمەتشٸلەردٸڭ, ەسكەري قىزمەتشٸلەردٸڭ, قۇقىق قورعاۋ جەنە ارناۋلى ورگاندار قىزمەتكەرلەرٸنە قۇمار ويىندارعا جەنە بەس تٸگۋگە تىيىم سالۋدى ەنگٸزۋ تۋرالى پەتيتسييانى قاراۋ بويىنشا جۇمىس توبىنىڭ بٸرٸنشٸ وتىرىسى ٶتتٸ.
ٸس-شاراعا جۇمىس توبىنىڭ مٷشەلەرٸ: پەتيتسييا اۆتورى, «ەدٸلدٸك جولى» باسشىسى ديدار سماعۇلوۆ, پارلامەنت دەپۋتاتتارى, ازاماتتىق بەلسەندٸلەر, مٷددەلٸ مەملەكەتتٸك ورگاندار مەن ويىن بيزنەسٸنٸڭ ٶكٸلدەرٸ قاتىستى.
تۋريزم جەنە سپورت ۆيتسە-مينيسترٸ ميراس تٶلەباەۆ وتىرىستى اشىپ, پەتيتسيياعا 50 مىڭ ادام قول قويعانىن جەنە كودەكسكە سەيكەس مينيسترلٸك 40 كٷن ٸشٸندە شەشٸم قابىلداۋى تيٸس ەكەنٸن اتاپ ٶتتٸ. ۆەدومستۆو ويىن بيزنەسٸ سالاسىنداعى مەملەكەتتٸك باقىلاۋدى كٷشەيتۋ جەنە مەملەكەتتٸك اپپاراتتا قوسا العاندا, لۋدومانييانىڭ الدىن الۋ جٶنٸندەگٸ جۇمىستى باستادى.
ديدار سماعۇلوۆ ٶتٸنٸشتٸڭ سەبەبٸن تٷسٸندٸرٸپ, لاۋازىمدى تۇلعالاردىڭ قۇمار ويىندارعا قاتىسۋىنا بايلانىستى سىبايلاس جەمقورلىق تەۋەكەلدەرٸ تۋرالى الاڭداۋشىلىق بٸلدٸردٸ.
– بۇل پەتيتسييا قۇمار ويىنداردان بولاتىن زيياندى ازايتۋ ٷشٸن قاجەت, ەل بيۋدجەتٸن باسقاراتىندار كازينودا جٷرمەۋٸ كەرەك. سەبەبٸ كازينو – ٷلكەن سىبايلاس جەمقورلىق تەۋەكەلٸ. ەرينە, ەشكٸم ويىن اشىق ايتا المايدى, بٸراق جينالىستاردا باستامانى قايتا قاراۋ كەرەك ەكەندٸگٸ تۋرالى ەڭگٸمەلەر بار. ياعني, بەلگٸلٸ بٸر لوببي پايدا بولدى, – دەپ اتاپ ٶتتٸ ازاماتتىق بەلسەندٸ ديدار سماعۇلوۆ.
پارلامەنت مەجٸلٸسٸنٸڭ دەپۋتاتى ە. بەيسەنباەۆ جۇمىس توبىمەن «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ويىن بيزنەسٸ, لوتەرەيا قىزمەتٸ, دەنساۋلىق ساقتاۋ, مەملەكەتتٸك ەڭبەك ينسپەكتسيياسى, مەملەكەتتٸك باقىلاۋ جەنە ارتىق زاڭنامالىق رەگلامەنتتەۋدٸ بولدىرماۋ مەسەلەلەرٸ بويىنشا ٶزگەرٸستەر ەنگٸزۋ تۋرالى», ونىڭ ٸشٸندە قۇمار ويىندارعا جەنە شەنەۋنٸكتەردٸڭ, ەسكەريلەردٸڭ جەنە پوليتسەيلەردٸڭ بەس تٸگۋٸنە قاتىسۋىن شەكتەۋ بويىنشا زاڭ جوباسىنىڭ نوۆەللالارىمەن بٶلٸستٸ.
– بۇل باستامانى تاريحي وقيعا دەپ اتاۋعا بولادى. قۇمار ويىنداردىڭ مەملەكەتتٸك قىزمەتشٸلەر مەن قۇقىق قورعاۋ ورگاندارىنا, ونىڭ ٸشٸندە ۇلتتىق قاۋٸپسٸزدٸك ٶكٸلدەرٸنٸڭ پسيحيكاسىنا قاۋٸپ تٶندٸرەتٸنٸن ەسكەرە وتىرىپ, بٸز مەجٸلٸس ٶكٸلدەرٸنٸڭ اتىنان پەتيتسيياعا قولداۋ بٸلدٸرەمٸز. بۇعان قوعامنىڭ نازار اۋدارىپ جاتقانى دا قۋانتادى, – دەپ اتاپ ٶتتٸ سپيكەر.
سونداي-اق مەجٸلٸسمەن پەتيتسييا مۇنداي شەكتەۋگە قارسى لوببيستەردٸڭ قارسىلىعىن جەڭۋگە كٶمەكتەستٸ دەپ مەلٸمدەدٸ.
مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸكتەرٸنٸڭ ٶكٸلدەرٸ مەملەكەتتٸك ورگاندار قىزمەتكەرلەرٸنٸڭ قۇمار ويىندارعا جەنە بەس تٸگۋگە قاتىسۋىن باقىلاۋ تەتٸكتەرٸ تۋرالى ايتىپ بەردٸ.
جالپى جۇمىس توبىنىڭ وتىرىسى سىندارلى تٷردە ٶتتٸ جەنە تالقىلاۋ قورىتىندىسى بويىنشا مينيسترلٸك شەشٸمٸنٸڭ جوباسىنا ۇسىنىستار ايتىلدى.
شەشٸم جوباسىن بارلىق پٸكٸرلەردٸ ەسكەرە وتىرىپ, مينيسترلٸكتە 2024 جىلعى 25 ماۋسىمدا ساعات 17:30-دا ٶتەتٸن جۇمىس توبىنىڭ ەكٸنشٸ وتىرىسىندا قاراۋ جوسپارلانۋدا.
