بەلگىلى ساياساتكەر ەرلان سايروۆ ءوزىنىڭ الەۋمەتتىك جەلىدەگى پاراقشاسىنا ەلىمىزدەگى بانك باسشىلارىنىڭ قانشا بونۋس الاتىنىن ءبولىسىپ، ءوز ويىن ورتاعا سالىپتى. سونداي-اق، ساراپشى مەملەكەتتىڭ جەلكەسىنە ءمىنىپ العان بانكتەردى تەزگە سالۋ كەرەكتىگىن ەسكەرتىپتى.

 

ءقازىر بيلىك بىزگە مەملەكەتكە ماسىل بولۋ جايىندا ءجيى ايتاتىن بولعان. جارايدى، قوش دەلىك.

ءبىراق سوڭعى 10 جىلدا مەملەكەت ەكىنشى دەڭگەيلى بانكتەرگە بولگەن قارجىسى 20 ملرد. دوللارعا جۋىقتاعانىن كوپشىلىك جاقىس بىلەدى. وسىلايشا قازاقستان ەكونوميكاسىندا بانك سالاسى ەڭ كوپ سۋبسيديالاناتىن سەكتورعا اينالدى.

شىندىعىندا مەملەكەتكە كىم ماسىل بولىپ وتىرعانىن بايقاعان شىعارسىزدار؟

شىندىعىندا مەملەكەتكە كىم ماسىل بولىپ وتىرعانىن بايقاعان شىعارسىزدار؟

بانكتەر ارى-بەرى قوزعالىپ جۇمىس ىستەۋ دەگەندى باياعىدا ۇمىتقان. ۇلتتىق قوردىڭ قارجىسىنا اياماي قول سالىپ، ابدەن سەمىرگەن.

تومەندە ەلىمىزدەگى بانكتەردە جۇمىس ىستەيتىن جوعارى مەنەدجەرلەردىڭ بونۋسى جاريالانىپتى. مەنىڭشە، ءدال وسى اقپاراتتىڭ انىق-قانىعىن فيسكالدى ورگان تەكسرەۋى كەرەك. ەگەر بۇل مالىمەتتەر راس بولسا، ەلىمىزدە قايتا-قايتا ورىن الاتىن ديەۆاليۆاسيانىڭ باتساۋ كوزىن تابۋعا بولادى.



بانك باسشىلارىنىڭ بونۋستارىنىڭ ءبىراز بولىگى ۇلتتىق قوردان بولىنگەن قارجىدان قۇرالۋى مۇمكىن.

جارايدى، بانكتەردىڭ ءبارى جەكەمەنشىك دەلىك، ءبىراق ولار بارىبىردە قازاقستانداعى الەۋمەتتىك ۇردىسكە قاتىسۋشى قۇرىلىم بولىپ سانالماي ما؟ مۇنداي جاعدايدا ولار جالپى تۇرمىستىڭ ەتيكاسىن ساقتاۋى كەرەك قوي. ءبىراق ءبىزدىڭ بانكتەر ول جاعىن ويلاماعان سىڭايلى.