ءتىل جانە تەرمينولوگيا جونىندەگى كوميتەتىنىڭ ءتورايىمى گاۆحار شاروفزودا 1 تامىزدا باسپا ءسوز ءماسليحاتىن وتكىزىپ، مەملەكەتتىك ب ا ق وكىلدەرىمەن بىرگە مەملەكەتتىك ءتىل ەرەجەلەرىنىڭ ساقتالۋى ماسەلەسىن تالقىلاعانىن حابارلادى.
شاروفزودا «جۋرناليستەردىڭ كوبىنە تۇسىنىكسىز سوزدەر قولدانىپ جۇرگەنىنە» نارازى ەكەنىن ايتتى. «كەيدە جۋرناليستەر كورەرمەندەر مەن تىڭداۋشىلارعا تۇسىنىكسىز ونداعان ءسوزدى بىردەن قولدانادى، سول ارقىلى زاڭ ەرەجەلەرىن بۇزادى»، – دەپ ەسەپتەيدى ول.
كوميتەت وكىلدەرىنىڭ حابارلاۋىنشا، تۆ، راديو جانە گازەتتەردەگى ماتەريالداردى تەكسەرەتىن ارنايى كوميسسيا قۇرىلعان. زاڭ بۇزعاندارعا ايىپپۇل سالىناتىنى حابارلاندى.
كوميتەت مالىمەتى بويىنشا، جەكە تۇلعالارعا سالىناتىن ايىپپۇل – 15-20 ايىلىق ەسەپتىك كورسەتكىشكە تەڭ (1 اەك 40 سوموني – 8 دوللار بولادى)، ال زاڭدى تۇلعالارعا سالىناتىن ايىپپۇل – 30-40 اەك.
