مەملەكەتتىك گرانت يەگەرلەرىنىڭ تىزىمىمەن تانىسۋ ءۇشىن مىنا سىلتەمەگە ءوتىڭىز.
تولىق ءتىزىم 14 تامىزدا "ەگەمەن قازاقستان" جانە "كازاحستانسكايا پراۆدا" گازەتتەرىندە شىعادى.
وسى جىلى جوعارى ءبىلىم الۋ ءۇشىن ءبىلىم گرانتتارىنىڭ سانى 37 932 گرانتقا دەيىن جەتكىزىلدى. ونىڭ ىشىندە، 35 082 گرانت 1 كۋرسقا قابىلداۋ ءۇشىن (كۇندىزگى وقۋ نىسانى بويىنشا - 34 782، سىرتتاي وقۋ نىسانى بويىنشا - 300 گرانت)، 2850 ورىن - جوعارى وقۋ ورىندارىنىڭ دايىندىق بولىمدەرى ءۇشىن ءبولىندى.
اتالعان باسىمدىقتاردى ەسكەرە وتىرىپ، تەحنيكالىق عىلىمدار مەن تەحنولوگيالىق ماماندىقتارعا 13 670 گرانت، پەداگوگيكالىق ماماندىقتارعا 8 235 گرانت، اۋىل شارۋاشىلىعى مەن ۆەتەرينارلىق ماماندىقتارعا 2 682 گرانت، مەديسينالىق ماماندىقتارعا 3 150 گرانت جانە ت.ب. قاراستىرىلدى.
بۇل رەتتە مەملەكەتتىك ءبىلىم بەرۋ تاپسىرىسىن ورنالاستىرۋعا جىبەرىلگەن جوعارى وقۋ ورىندارىنىڭ ءتىزىمى كەڭەيتىلگەن. ءبىلىم گرانتىن تاعايىنداۋ كونكۋرسىنا 63 169 ادام قاتىسىپ جاتىر، ونىڭ ىشىندە 49 858 ادام - قازاق تىلىندەگى وقۋ بولىمىنە، 13 311 ادام - ورىس تىلىندەگى وقۋ بولىمىنە تاپسىرعان.
