ەلىمىزدەگى مەكتەپتەردە جاڭا تالاپ ەنگىزىلمەك. ءبىلىم جانە عىلىم ءمينيسترى ەرلان ساعادييەۆ الداعى ۋاقىتتا قازاقستانداعى بارلىق مەكتەپتە ءار وقۋشىنىڭ جەكە شكافى پايدا بولاتىنىن ايتتى. ءمينيستردىڭ باستاما وقۋشى سومكەسىنىڭ سالماعىن جەڭىلدەتۋگە باعىتتالعانىن ەستەرىڭىزگە سالامىز.
مينيستر وقۋلىقتاردى، مەكتەپتە اۋىستىراتىن اياق كيىم مەن سپورتتىق جابدىقتاردى ساقتاۋ ءۇشىن شكاف ورناتۋ الەمدىك تاجىريبەدە بار ەكەنىن ەسكەرىپتى. ەلىمىزدىڭ كەيبىر مەكتەپتەرىندە دە اتا-انالار باستاماسىمەن ەنگەن بۇل جۇيەنى ۇزاق ۋاقىت بويى ارنايى ماماندار دا تالقىلاپ، ابدەن زەرتتەپتى.
ءبىلىم سالاسىنداعى وزگەرىس مۇنىمەن شەكتەلمەيدى. ءتىپتى الداعى ۋاقىتتا وقۋشىلارعا كەيبىر ءپان بويىنشا ءۇي تاپسىرماسى بەرىلمەۋى مۇمكىن. ءسويتىپ، مينيسترلىك ۇيگە بەرىلەتىن تاپسىرمانىڭ ۋاقىتىن 60 مينۋتقا دەيىن قىسقارتۋدى كوزدەيدى. ال ءار وقۋشىعا جەكە شكاف ورناتۋ ماسەلەسى باستاۋىش سىنىپتاردان باستالادى. شكاف ورناتۋ ماسەلەسى جەرگىلىكتى اتقارۋشى ورگانداردىڭ قارجىسى جۇمسالماقشى.