اتالمىش كەشتىڭ ەرەكشەلىگى مەن دايىندىعى تۋرالى ءانشىنىڭ ءوزى باياندادى. بۇل تۋرالى comode.kz پورتالى جازادى.
2015 جىلى استانا قالاسىنىڭ اكىمدىگىنىڭ قولداۋىمەن، بولات ماجاعۇلوۆ مىرزانىڭ ۇسىنىسىمەن انالار، ايەلدەر مەرەكەسىنىڭ قارساڭىندا كونسەرت وتكىزگەن بولاتىن.
اراعا ءۇش سالىپ الماتى قالاسىندا دا ەسەپ بەرەتىن ۋاقىت كەلدى-اۋ دەپ ويلادىق. «جەكە كەشىڭىزدى نەگە وسىنشاما ۋاقىت ۇزاق كۇتتىردىڭىز؟» دەگەن سۇراقتى ءجيى ەستىپ ءجۇرمىن.
سەبەبى، مەن ءۇشىن ساكەن ەمەس، «مۋزارت» ءاردايىم ءبىرىنشى ورىندا. توپتاعى ءبارىمىز دە كوبىنەسە ءبىرىنشى كۇشتى «مۋزارتقا» سالامىز. شىعارماشىلىق جاعىنان دا، ۋاقىت جاعىنان دا مۋزارتپەن ساناسامىز. ءتىپتى، بۇعان دەيىن مەن ءوز تاراپىمنان مۇنداي ۇسىنىستى جىگىتتەرگە جاساعان دا ەمەسپىن، ويلاعان دا ەمەسپىن. «ساباقتى ينە – ساتىمەن» دەگەن وسى شىعار!
كونسەرتىم 100% جاندى داۋىستا بولادى.
سونشالىقتى وزگەشە بولىپ، مەن تىكۇشاقپەن ۇشىپ كەلەمىن دەپ ايتپايمىن. ءبىراق، مەنىڭ ونەرىمدى باعالاپ، سىيلاپ كەلگەن كورەرمەن جالىعىپ، شارشاپ كەتپەيتىندەي ءبىر دەممەن وتسە دەيمىن. رەپەرتۋارىمدا اندەرىم وتە كوپ. ءبارىن ورىنداۋ، ارينە، مۇمكىن ەمەس. وتىزعا جۋىق ءان ورىندالادى. اراسىندا جاڭا اندەر، جاڭا دۋەتتەر بولادى.
ونەرسۇيەر قاۋىمنىڭ جۇرەگىنەن ورىن تاپقان ەسكى اندەردى دە ءبارىمىز بىرگە ورىندايتىن بولامىز دەپ ويلايمىن. كەش قوناقتارى: «مۋزارت»، زارينا التىنبايەۆا، «SMart» مەكتەبىنىڭ شاكىرتتەرى، ت.ب.سىيلى قوناقتارىم بولادى. مەنىڭ جاڭا قىرىمدى دا كورىپ قالۋلارىڭىز مۇمكىن. ەڭ باستىسى، 100% جاندى داۋىستا بولادى.
«جۇرەگىمنىڭ ىشىندەگى جۇرەگىم»
كەشتىڭ ءدال بۇلاي اتالۋىنىڭ وزىندىك سەبەبى بار. كەز-كەلگەن ونەر ادامىنىڭ شىعارماشىلىعىندا جەتىستىكتەر مەن قۇلدىراۋ، توقىراۋ، كريزيس بولادى.
ال، جاراس سارسەك اعامىزدىڭ سوزىنە جازىلعان، ايگۇل باجانوۆانىڭ ءانى «جۇرەگىمنىڭ ىشىندەگى جۇرەگىم» سونداي كرەزيستەن شىعارعان تۋىندى بولدى. ەر ازاماتتىڭ جۇرەگىنىڭ ىشىنە اناسى، ايەلى، اپكەسى، ۇل-قىزدارى، باۋىرى، بارلىق اۋلەت، وتانى كىرەدى. سونىڭ ءبارىن ءبىر ارناعا توعىستىرعان كەرەمەت ءان جەكە كەشىمنىڭ اتاۋى بولۋعا تولىق لايىقتى دەپ سانادىم.
كولىگىمدى ساتپايمىن، دەمەۋشىلەر تابىلدى.
كولىك ساتۋ تۋرالى اڭگىمە ءازىل بولاتىن. جالپى، جەكە كەشىمنىڭ شىعىنى مەنىڭ كولىگىمنىڭ باعاسىمەن تەڭ ەكەنىن ايتقان ەدىم. ءقازىر «كولىگىمدى ساتپايمىن، دەمەۋشىلەر تابىلدى» دەپ ازىلدەيمىن.
باستى دەمەۋشىلەرىم – حالقىم.
ال، قارجى جاعىنان ازاماتتىق تانىتىپ جاتقان جىگىتتەر بار. شىنىندا، جاقىن-جۇراعاتتاردىڭ ەڭ بولماسا ءسوز جاردەممەن كومەكتەسەتىن، تانىلاتىن، سىنالاتىن كەزى دەسەم دە بولادى. بۇل دا ءبىر ۇلكەن جاۋاپكەرشىلىكتى تالاپ ەتەتىن جۇمىس. جانىمنان تابىلىپ، قولداۋ كورسەتىپ جۇرگەن جاندار بار، اللاعا شۇكىر. بۇرىن اتا-اجەم: «ءوزىڭ جاقسى بولساڭ، اينالاڭنىڭ ءبارى جاقسى بولادى» دەپ وتىراتىن. شۇكىر، اينالاما جاقسىلار جينالدى. ەڭ باستىسى حالىقتىڭ قولداۋى، سۇرانىسى جوعارى.
