ماسكەۋ قالالىق سوتى قازاقستاننىڭ ەكى ازاماتى الەكساندر ابرام مەن ەدۋارد بۋرديلوۆتى تەمىر جولداعى ديۆەرسيا (رف قىلمىستىق كودەكسىنىڭ 281-بابى 2-بولىگى «ا» تارماعى) ءىسى بويىنشا 13 جىلعا باس بوستاندىعىنان ايىردى، دەپ حابارلايدى Dalanews.kz جاس الاشقا سىلتەپ.
سوت ۇكىمى بويىنشا، ابرام مەن بۋرديلوۆ ءتورت جانە بەس جىلىن تۇرمەدە، ال قالعان جازا مەرزىمىن قاتاڭ رەجيمدەگى كولونيادا وتەيدى.
سوت بۇل ءىس بويىنشا ايىپتالۋشىلاردى باس بوستاندىعىنان ايىرۋمەن قاتار، «رەسەي تەمىر جولىنا» 387 مىڭ رۋبلدەن استام ماتەريالدىق شىعىن تولەۋگە مىندەتتەدى.
سوت قازاقستاندىقتارعا قاتىستى ءىستىڭ قوزعالۋىنا نە سەبەپ بولعانىن ايتپادى. ابرام مەن بۋرديلوۆ 2023 جىلدىڭ ماۋسىمىندا ۇستالعان. ءىستىڭ باسقا مالىمەتتەرى بەلگىسىز.
سوتتالعانداردىڭ ادۆوكاتتارى Mediazona اگەنتتىگىنە ۇكىمگە شاعىمداناتىنىن مالىمدەگەن.
