Máskeý qalalyq soty Qazaqstannyń eki azamaty Aleksandr Abram men Edýard Býrdilovty temir joldaǵy diversiia (RF Qylmystyq kodeksiniń 281-baby 2-bóligi «a» tarmaǵy) isi boiynsha 13 jylǵa bas bostandyǵynan aiyrdy, dep habarlaidy Dalanews.kz Jas alashqa siltep.
Sot úkimi boiynsha, Abram men Býrdilov tórt jáne bes jylyn túrmede, al qalǵan jaza merzimin qatań rejimdegi koloniiada óteidi.
Sot bul is boiynsha aiyptalýshylardy bas bostandyǵynan aiyrýmen qatar, «Resei temir jolyna» 387 myń rýblden astam materialdyq shyǵyn tóleýge mindettedi.
Sot qazaqstandyqtarǵa qatysty istiń qozǵalýyna ne sebep bolǵanyn aitpady. Abram men Býrdilov 2023 jyldyń maýsymynda ustalǵan. Istiń basqa málimetteri belgisiz.
Sottalǵandardyń advokattary Mediazona agenttigine úkimge shaǵymdanatynyn málimdegen.
