«ماشينا ۆرەمەني» توبى «ناشەستۆيەگە» قاتىسپايدى

Dalanews 27 ماۋ. 2015 11:59 419

ايگىلى «ماشينا ۆرەمەني» توبىنىڭ نەگىزىن قالاۋشى، ءانشى اندرەي ماكاريەۆيچ ءوزىنىڭ Facebook پاراقشاسىنا روككەرلەردىڭ «ناشەستۆيە» فەستيۆالىنە قاتىسپايتىندارىن ءمالىم ەتتى.

روك مۋزىكانى ناسيحاتتايتىن «ناشەستۆيە» فەستيۆالىن ۇيىمداستىرۋشىلار افيشالارىندا جىلىنا ءبىر رەت بولاتىن شاراعا «ماشينا ۆرەمەني» توبى قاتىساتىنىن جازعان ەدى. بۇل جولى توپ جەتەكشىسى ا. ماكاريەۆيچ ۇيىمداستىرۋشىلارعا ءتۇرلى سايتتاردا ورنالاستىرىلعان حابارلاندىرۋدان «ماشينا ۆرەمەني» توبىن الىپ تاستاۋدى وتىنگەن. «ءبىز العاشىندا-اق شاراعا قاتىسپايتىنىمىزدى اشىق ايتقانبىز. ۇيىمداستىرۋشىلار جالعان اقپارات تاراتىپ، ابىروي تاپپاسى انىق. انسۇيەر قاۋىمدى الداۋدىڭ قاجەتى نە؟»، – دەپ ا. ماكاريەۆيچ الەۋمەتتىك جەلىدەگى پاراقشاسىنا جازبا قالدىرىپتى.

2014 جىلى تۆەرسك وبلىسىندا وتكەن «ناشەستۆيە» فەستيۆالىنە ءبىراز ادام ءپۋتيندى بەينەلەيتىن فۋتبولكالار كيىپ، شىنجىر تابان تانكتەرمەن كەلىپ، رەسەيدىڭ قىرىم مەن شىعىس ۋكرايناداعى ارەكەتىنە قولداۋ بىلدىرگەنى ەسىمىزدە. بيىل دا وسى كورىنىستەر قايتالانۋى ىقتيمال. سوندىقتان «ماشينا ۆرەمەني» توبى فەستيۆالگە قاتىسۋدان باس تارتقانى بەلگىلى.

ۇسىنىلعان
سوڭعى جاڭالىقتار