مارس عالامشارىنىڭ العاشقى تۇرعىنى مەتانوگەندى ميكروبتار بولۋى مۇمكىن. اتالعان ميكروب تۇرىنە زەرتتەۋ جۇرگىزگەن اقش-تىڭ اركانزاس ۋنيۆەرسيتەتىنىڭ عالىمدارى وسىنداي بايلام جاساۋدا.

قىزىل عالامشاردا تەمپەراتۋرا مەن قىسىمنىڭ وتە تومەن ەكەنى عالىمدارعا بەلگىلى. مۇنداي ورتادا ادامنىڭ ءومىر ءسۇرۋى مۇمكىن ەمەس. تەك ميكروبتار عانا تىرشىلىك ەتە الادى. وسى رەتتە امەريكاندىق عالىمدار مارستاعىداي جاساندى ورتا دايىنداپ، وعان مەتانوگەندى ميكروبتاردى جىبەرگەن. ناتيجەسىندە كوزگە كورىنبەيتىن ميكروبتار تومەنگى تەمپەراتۋرا مەن قىسىمدا ءومىر ءسۇرۋىن جالعاستىرىپ، بويىنان مەتان گازىن ءبولىپ شىعارعان. عالىمدار عىلىمي-زەرتتەۋ جۇمىستارى جەر شارىنان جىراقتا جاتقان مارس عالامشارىن يگەرۋ جولىنداعى ماڭىزدى قادام بولىپ سانالاتىنىن مالىمدەدى. بولاشاقتا مەتانوگەندى ميكروبتاردى قىزىل عالامشارعا جەتكىزىپ، جەر شارىنداعىداي قورشاعان ورتا تۇزۋگە بولادى.