مارقۇم سالتانات نٷكەنوۆانىڭ اعاسى ايتبەك امانگەلدٸ قۋاندىق بيشٸمباەۆتان مورالدىق شىعىن تالاپ ەتٸپ, سوتقا ارىزداندى, - دەپ حابارلايدى Dalanews.kz.
بۇل تۋرالى سوت كابينەتٸندەگٸ قۇجاتتا بەلگٸلٸ بولدى. ٸس 2024 جىلدىڭ 2 تامىزىندا باستالعان. ٸستٸ سۋديا دوسجان جۇماباەۆ قارايدى.
مورالدىق ٶتەماقىعا قاتىستى بٸرٸنشٸ سوت وتىرىسى 3 قىركٷيەكتە ساعات 11.00-دە ٶتەتٸنٸ بەلگٸلەنگەن.
ەسكە سالايىق, 23 شٸلدەدە بيشٸمباەۆ قاتاڭ رەجيمدەگٸ كولونيياعا جەتكٸزٸلگەنٸ بەلگٸلٸ بولدى.
بۇعان دەيٸن ٸشكٸ ٸستەر مينيسترلٸگٸ ەكس-مينيستر قۋاندىق بيشٸمباەۆ كولونييادا قانداي جۇمىس ٸستەي الاتىنىن ايتتى.
بۇل تۋرالى ٸٸم قىلمىستىق-اتقارۋ جٷيەسٸ كوميتەتٸنٸڭ تٶراعاسى, ەدٸلەت پولكوۆنيگٸ تەڭٸزجان جەنٸبەكوۆ ايتتى.
"بٸرٸنشٸدەن, بيشٸمباەۆ ەلٸ تەرگەۋ يزولياتورىندا. ەكٸنشٸدەن, ونىڭ جۇمىس ٸستەۋٸنە قاتىستى: ٶندٸرٸستٸك ايماقتاردا تٷرلٸ جۇمىس بار. ول "ەڭبەك" رەسپۋبليكالىق مەملەكەتتٸك كەسٸپورىندا مىسالى اعاش, مەتالل ٶڭدەۋ سالاسىنا جۇمىسقا ورنالاسا الادى. قاي جەردە بوس ورىن بولسا سول جەرگە بارا الادى.
بۇل مەسەلەنٸ جۇمىسپەن قامتۋ بٶلٸمٸ شەشەدٸ, كەلگەننەن كەيٸن 15 كٷن كارانتيندە بولادى. بٸز ونى زەرتتەيمٸز, ودان ەرٸ تەربيە جۇمىسى جٷرگٸزٸلەدٸ. پسيحولوگتار باسقا تۇتقىندارمەن جۇمىس ٸستەگەندەي بيشٸمباەۆ پەن دە جۇمىس ٸستەيدٸ", - دەيدٸ جەنٸبەكوۆ.
26 ماۋسىمدا قۋاندىق بيشٸمباەۆ پەن باقىتجان بايجانوۆقا قاتىستى قىلمىستىق ٸستٸڭ اپەللياتسييالىق سوت وتىرىسى بولعان ەدٸ. الايدا ولاردىڭ اپەللياتسييالىق ٶتٸنٸشٸ قاناعاتتاندىرىلمادى.
قۋاندىق بيشٸمباەۆ 24 جىلعا, ٸنٸسٸ باقىتجان بايجانوۆ 4 جىلعا سوتتالعان بولاتىن.
