مارقۇم كاسىپكەر باقىت يبراگيمنىڭ شىمكەنتتەگى مۇلكى مەن اكسيالارى مەملەكەتكە قايتارىلدى، - دەپ حابارلايدى Dalanews.kz.
بۇل تۋرالى شىمكەنت قالاسىنىڭ پروكۋراتۋراسى حابارلادى.
شىمكەنت قالاسىنىڭ پروكۋراتۋراسىمەن بيىل I-جارتىجىلدىقتا ەكونوميكالىق رەسۋرستاردى مونوپولياسىزداندىرۋ سالاسىندا جالپى قۇنى 5،9 ملرد تەڭگە مۇلىك جانە اكسيالار مەملەكەتكە قايتارىلدى.
وسىلايشا، سوت ازامات باقىت يبراگيمنىڭ قىلمىستىق جولمەن العان جەر ۋچاسكەسى مەن قۇرىلىستاردى مەملەكەتكە قايتارۋ تۋرالى قالا پروكۋراتۋراسىنىڭ تالاپ ارىزىن قاناعاتتاندىردى.
باعالاۋ قورىتىندىسىنا سايكەس قۇنى 357،7 ملن تەڭگە كورسەتىلگەن جىلجىمايتىن مۇلىك شىمكەنت قالاسى مەملەكەتتىك مۇلىك جانە جەكەشەلەندىرۋ دەپارتامەنتىنە بەرىلدى.
شىمكەنت قالاسىنىڭ پروكۋراتۋراسى مەملەكەت باسشىسىنىڭ تاپسىرماسىنا سايكەس زاڭسىز يەمدەنىلگەن اكتيۆتەردى مەملەكەتكە قايتارۋ باعىتىندا جۇمىستاردى جالعاستىرۋدا.
