شىعىس قازاقستان وبلىسىنىڭ ەكٸمٸ ەرمەك كٶشەرباەۆ سۋ تاسقىنى كەزەڭٸن ەۋەدەن باقىلاۋ بارىسىندا «تەرەكتٸ – ۇرىنحاي – تٶسقايىڭ» تراسساسىنىڭ 13 شاقىرىمىنداعى جولدى قايتا كەلتٸرۋ جۇمىستارىمەن تانىستى, دەپ حابارلايدى Dalanews.kz شقو ەكٸمدٸگٸنە سٸلتەمە جاساپ.
ەستەرٸڭٸزگە سالساق, 12 سەۋٸر كٷنٸ «مرامورنوە» اسۋى ماڭىندا توپىراق كٶشكٸنٸ جٷرٸپ, وبلىستىق ماڭىزى بار جول وپىرىلىپ تٷسكەن.
ازاماتتاردىڭ قاۋٸپسٸزدٸگٸ بارىسىندا اتالمىش جول بٶلٸگٸ جابىلىپ, جەدەل قايتا كەلتٸرۋ جۇمىستارى باستالدى.
كەشە ايماق باسشىسى جٶندەۋ جۇمىستارىمەن تانىسىپ, تيٸستٸ تاپسىرمالار بەردٸ.
ساعات 16:00-دە كٶلٸك قوزعالىسى جاندانىپ, جول اشىلدى.قازٸردە وبلىس ەكٸمٸنٸڭ تاپسىرماسىمەن, جول قىزمەتٸنٸڭ ارنايى ماماندارى توپىراقتاعى ىلعال كٶلەمٸن ەسەپتەپ, باسقا اۋماقتاردا وسىنداي جاعداي قايتالاباس ٷشٸن قاداعالاۋ جٷرگٸزۋدە.
