وسىنداي ءىرى جەمىس-جيدەك وندىرۋشىلەردىڭ ءبىرى «ارسەنال ساد» وندىرىستىك كووپەراتيۆى. جەر اۋماعى 350 گەكتاردى قۇرايتىن باقتا جەمىستەردىڭ بارلىق ءتۇرى وسىرىلەدى. ماسەلەن، باقتىڭ 110 گەكتارىنا ءجۇزىم، 100 گەكتارىنا الما، 22 گەكتارىنا شابدالى، 25 گەكتارىنا قارا ورىك، 10 گەكتارىنا شيە ەگىلگەن.
كۇنى كەشە 60 توننا ءجۇزىمدى رەسەيگە جىبەرگەن كووپەراتيۆ قازىرگى ۋاقىتتا شابدالى جيناۋ ناۋقانىن باستاپ جىبەرگەن. شابدالى ءونىمىنىڭ باسىم بولىگى رەسەي فەدەراسياسىنا جىبەرىلەتىن بولسا، قالعانى ىشكى نارىقتا ساۋدالاناتىن بولادى.
ءجۇزىمنىڭ ونىمدىلىگى گەكتارىنا 22 توننا ەكەنىن ايتقان شارۋا بۇرىن ءجۇزىمنىڭ بلەكمەيدجيك، ۆيكتوريا سورتتارى تۋرالى قازاقستاندىق كاسىپكەرلەر بىلمەيتىن، ساتىپ الۋعا سەسكەنەتىن ەدى،- دەيدى. ال، بيىل ءدال وسى سورتتارعا دەگەن قىزىعۋشىلىق ارتىپتى. ويتكەنى باعاسى قولجەتىمدى، ءدامى ءتىل ۇيىرەدى. ەۋروپادان كەلەتىن ونىمدەرگە قاراعاندا الدەقايدا ارزان ەكەن.
مۇندا تۇراقتى 150 ادام جۇمىسپەن قامتىلسا، ناۋقان كەزىندە 500-گە تارتا جۇمىسشىلار جۇمىسقا تارتىلادى. ونىمدەردى جيناپ، ساراپتاپ، سورتتاپ، ەكسپورتتىق جاشىكتەرگە جايعاستىرعانعا دەيىنگى جۇمىستى تۇگەلدەي تەرىمشىلەر اتقارادى. ءاربىر ءونىم ۇزاق جولدا جارامسىزدانباۋى ءۇشىن ولاردىڭ جاشىكتەردە دۇرىس ورنالاسۋى ەرەكشە ماڭىزعا يە.
«ارسەنال ساد» وندىرىستىك كووپەراتيۆىنىڭ باۋ-باقشاسىندا جاس كوشەتتەر دايىندالاتىن ارنايى ءتالىمباقتا بار. مۇندا المانىڭ، المۇرتتىڭ، الشانىڭ، قارا ورىكتىڭ بىرنەشە سورتتارى مەن دەكاراتيۆتى اعاشتاردىڭ كوشەتتەرى وسىرىلۋدە. كوشەتتەرگە سۇرانىس وتە جوعارى. ەندى قازاقستاندىق ديقاندار كوشەت الىپ كەلۋ ءۇشىن شەتەل اسپايتىن بولادى.
وقو اكىمىنىڭ باسپا ءسوز قىزمەتى
