گۇلنۇر ورازىمبەتوۆا ونەردەگى اپكەسى ماقپال ءجۇنىسوۆادان كەشىرىم سۇراۋ ءۇشىن ارنايى الماتىعا كەلدى. بۇل تۋرالى كتك ارناسىنىڭ “ينستالايىق” باعدارلاماسىندا ايتىلدى.

ماقپال ءجۇنىسوۆانىڭ انىنە تۇسىرىلگەن بەينەبايان بەلگىلى ءبىر باعدارلامادان كورسەتىلۋى ءتيىس بولاتىن. الايدا ول ۋاقىتتا ءانشى ورىنداعان ساۋندترەكتىڭ مونتاجى ءالى بىتپەگەن ەكەن. سول سەبەپتى الگى باعدارلاماعا سيۆي مەن رينات دايىن تۇرعان ساۋندترەكتى الا بارعان. ول گۇلنۇر ورازىمبەتوۆا مەن «سالامات» توبى ورىنداعان ءان بولاتىن.

– ماقپال اپاي ەكەۋىمىزدىڭ ارامىزدا وكىنىشتى جاعداي ورىن الدى. ول كىسىگە «ءسىزدىڭ ورىنداۋىڭىزداعى ساۋندترەك باستىسى بولىپ قالادى» دەپ ايتىلعان. ياعني، نە سەبەپتى اشۋلانعانىن تۇسىنۋگە بولادى. باستاپقىدا ماقپال اپايدى تاڭدادىڭىزدار ما، سول باعىتتى سوڭىنا دەيىن ۇستانىڭىزدار! مەن كىنالى بولماسام دا، كورەرمەن مەن تىڭدارمان تاراپىنان دورەكى سوزدەر ەستىدىم. روزا اپاي مەن ماقپال اپاي – ۇلكەن تۇلعا. ول كىسىلەردى مەن سوڭعى دەمىم قالعانشا قادىرلەپ، قۇرمەتتەيمىن. مەن ءاندى ارنايى بەرگەن جوقپىن، – دەيدى گۇلنۇر ورازىمبەتوۆا.

 

دەرەككوزى: stan.kz