بٷگٸن, 19 جەلتوقساندا ٶڭٸر باسشىسى نۇردەۋلەت قيلىباي اقتاۋ قالاسىندا ورنالاسقان وبلىستىق سپورتتاعى دارىندى بالالارعا ارنالعان مامانداندىرىلعان مەكتەپ-ينتەرنات كوللەدجٸنٸڭ اشىلۋ سالتاناتىنا قاتىستى, دەپ حابارلايدى Dalanews.kz.
بۇل – ٶڭٸردە العاش رەت اشىلىپ وتىرعان, سپورت پەن بٸلٸمدٸ ۇشتاستىراتىن ارنايى وقۋ ورنى. مەكەمە وليمپيادالىق سپورت تٷرلەرٸ بويىنشا دارىندى بالالاردى كەسٸبي دەڭگەيدە دايارلاۋعا باعىتتالعان.
سالتاناتتى شارادا وبلىس ەكٸمٸ بۇل وقۋ ورنى ٶڭٸردٸڭ سپورتتىق ەلەۋەتٸن ارتتىرۋعا جەنە حالىقارالىق دەڭگەيدە ەل نامىسىن قورعايتىن چەمپيونداردى تەربيەلەۋگە زور مٷمكٸندٸك بەرەتٸنٸن اتاپ ٶتتٸ.
«بۇل مەكتەپ مەملەكەت باسشىسىنىڭ سپورتتى دامىتۋ جەنە دارىندى بالالاردى قولداۋ جٶنٸندەگٸ تاپسىرماسىنا سەيكەس اشىلىپ وتىر. مۇندا سپورت پەن بٸلٸم قاتار دامىپ, بولاشاق چەمپيونداردى دايارلاۋعا بارلىق جاعداي جاسالعان. ەندٸگٸ مٸندەت – وقۋ پروتسەسٸن ساپالى ۇيىمداستىرىپ, بالالاردىڭ قاۋٸپسٸزدٸگٸ مەن كەسٸبي دامۋىن قامتاماسىز ەتۋ. بۇل جەردەن ەل نامىسىن حالىقارالىق ارەنالاردا قورعايتىن سپورتشىلار ٶسٸپ شىعارىنا سەنەمٸن», – دەدٸ نۇردەۋلەت قيلىباي.
ينتەرنات 300 وقۋشىعا ارنالعان. ونىڭ ٸشٸندە 250 بالا جاتاقحانامەن قامتاماسىز ەتٸلسە, قاتىناپ وقيتىن 50 وقۋشى ٷشٸن ارنايى تاسىمال قىزمەتٸ ۇيىمداستىرىلعان.
وقۋ ورنىندا بوكس, دزيۋدو, تاەكۆوندو, ەركٸن جەنە گرەك-ريم كٷرەسٸ بويىنشا جاتتىعۋلار ٶتكٸزٸلەدٸ. وقۋشىلار كٷن سايىن ەكٸ مەزگٸل جاتتىعىپ, تەجٸريبەلٸ جاتتىقتىرۋشىلاردىڭ جەتەكشٸلٸگٸمەن دايىندىقتان ٶتەدٸ.
ينتەرنات-كوللەدجدٸڭ ينفراقۇرىلىمى زاماناۋي تالاپتارعا سەيكەس جابدىقتالعان. مۇندا سپورت جەنە كٷرەس زالدارى, وقۋ كابينەتتەرٸ, كٸتاپحانا, مەديتسينالىق ورتالىق, جاتاقحانا مەن اسحانا قاراستىرىلعان. وقۋ مەن جاتتىقتىرۋ جۇمىستارى مەملەكەتتٸك بٸلٸم ستاندارتتارى مەن سپورتتىق تالاپتارعا ساي جٷزەگە اسىرىلادى.
ماڭعىستاۋلىق جاس سپورتشىلار مەملەكەت باسشىسى قاسىم-جومارت توقاەۆقا سپورتتىق ينتەرناتتىڭ اشىلۋىنا كٶرسەتكەن قولداۋى ٷشٸن العىستارىن بٸلدٸرٸپ, پرەزيدەنتتٸڭ ٷمٸتٸن اقتايتىنىن ايتىپ, ەل نامىسىن قورعاپ, قازاقستاننىڭ كٶك بايراعىن بيٸككە كٶتەرۋگە ۋەدە بەردٸ.
