«ەشقانداي اسەر بايقالىپ جاتقان جوق. جاعدايىم جاقسى. قاراشا ايىندا تۇماۋعا قارسى ەكپەنى دە قابىلدادىم. ارينە، ءبىرىنشى ۆاكسيناسيا ەرىكتى تۇردە. ۆاكسيناسيالاۋدى حالىققا دۇرىس ءتۇسىندىرۋ ماقساتىندا كەلىپ وتىرمىن. قازىرگى ۋاقىتتا دارىگەرلەر دە سالدىرىپ جاتىر. دارىگەرلەر، مودۋلنىي ستاسيوناردىڭ قىزمەتكەرلەرى قابىلداپ جاتىر. العاش رەت دارىگەرلەر تاراپىنان ۆاقسينالاۋعا رۇقسات بەرىلمەۋنە بايلانىستى كەيىنە قالدىرىلعان ەدى. بۇگىنگى كۇنى ءبارى ساتىمەن ءوتتى»،-دەدى ماڭعىستاۋ وبلىسى اكىمىنىڭ ورىنباسارى.
اقتاۋ قالالىق №2 ەمحانانىڭ ەپيدەميولوگ-دارىگەرىنىڭ ايتۋىنشا، ەكپە سالعان ادام 3 كۇن باقىلاۋدا بولادى. ءبىرىنشى كومپونەنتىن العان سوڭ، 21 كۇننەن سوڭ ەكپەنىڭ ەكىنشى كومپونەنتىن الادى.
«قازىرگى تاڭدا كوۆيدكە قارسى ەكپە جۇرگىزىپ جاتىرمىز. ءبىرىنشى كومپونەنتىن الىپ، ەكپە جۇرگىزىلگەننەن كەيىن ەكپە العان جەردە 30 مينۋت باقىلاۋدا بولادى. تۇسىندىرمە جۇمىستارى جۇرگىزىلەدى. ياعني 3 كۇن ۋاقىت ارالىعىندا مونشاعا بارۋعا، سۋعا تۇسۋگە، ەكپە سالعان ورىنعا سۋ تيگىزۋگە بولمايدى.
راسيوندى بۇرىنعىشا جالعاستىرا بەرۋگە بولادى. بۇرىن قابىلداپ جۇرگەن پرەپاراتتار بولسا، ونى دا قابىلداۋعا بولادى. جاڭادان پرەپارات قابىلداۋعا، راسيونعا بۇرىن سوڭدى جەپ كورمەگەن تاماقتاردى تۇتىنۋعا كەڭەس بەرىلمەيدى. 3 كۇن ارالىقتا باقىلاۋ جۇرگىزىلەدى. جەكە ۋچاسكەلىك دارىگەر ەكپە العان ادامنىڭ جاعدايىن باقىلايدى. قازىرگى ۋاقىتتا ۆاكسينا الىپ جاتقان ادامداردا كەرى اسەرلەر بايقالىپ جتقان جوق»،-دەدى اقتاۋ قالالىق №2 ەمحانانىڭ ەپيدەميولوگ-دارىگەرى ارداق يبراشيەۆا.
