«Eshqandaı áser baıqalyp jatqan joq. Jaǵdaıym jaqsy. Qarasha aıynda tumaýǵa qarsy ekpeni de qabyldadym. Árıne, birinshi vaksınasıa erikti túrde. Vaksınasıalaýdy halyqqa durys túsindirý maqsatynda kelip otyrmyn. Qazirgi ýaqytta dárigerler de saldyryp jatyr. Dárigerler, modýlnyı stasıonardyń qyzmetkerleri qabyldap jatyr. Alǵash ret dárigerler tarapynan vaqsınalaýǵa ruqsat berilmeýne baılanysty keıine qaldyrylǵan edi. Búgingi kúni bári sátimen ótti»,-dedi Mańǵystaý oblysy ákiminiń orynbasary.
Aqtaý qalalyq №2 emhananyń epıdemıolog-dárigeriniń aıtýynsha, ekpe salǵan adam 3 kún baqylaýda bolady. Birinshi komponentin alǵan soń, 21 kúnnen soń ekpeniń ekinshi komponentin alady.
«Qazirgi tańda kovıdke qarsy ekpe júrgizip jatyrmyz. Birinshi komponentin alyp, ekpe júrgizilgennen keıin ekpe alǵan jerde 30 mınýt baqylaýda bolady. Túsindirme jumystary júrgiziledi. Iaǵnı 3 kún ýaqyt aralyǵynda monshaǵa barýǵa, sýǵa túsýge, ekpe salǵan orynǵa sý tıgizýge bolmaıdy.
Rasıondy burynǵysha jalǵastyra berýge bolady. Buryn qabyldap júrgen preparattar bolsa, ony da qabyldaýǵa bolady. Jańadan preparat qabyldaýǵa, rasıonǵa buryn sońdy jep kórmegen tamaqtardy tutynýǵa keńes berilmeıdi. 3 kún aralyqta baqylaý júrgiziledi. Jeke ýchaskelik dáriger ekpe alǵan adamnyń jaǵdaıyn baqylaıdy. Qazirgi ýaqytta vaksına alyp jatqan adamdarda keri áserler baıqalyp jtqan joq»,-dedi Aqtaý qalalyq №2 emhananyń epıdemıolog-dárigeri Ardaq Ibrasheva.
