مەملەكەت باسشىسى رەسەي پرەمەر-مينيسترٸ ميحايل ميشۋستيندٸ قابىلدادى, دەپ حابارلايدى Dalanews.kz.
پرەزيدەنت قاسىم-جومارت توقاەۆ ەلٸمٸزگە جۇمىس ساپارىمەن كەلگەن رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستينمەن كەزدەستٸ.
كەزدەسۋدە قازاقستان مەن رەسەي اراسىنداعى ستراتەگييالىق سەرٸكتەستٸكتٸڭ جەنە وداقتاستىق قارىم-قاتىناستىڭ نىعايىپ كەلە جاتقانى اتاپ ٶتٸلدٸ. سونداي-اق, ٶزارا تيٸمدٸ ديالوگ پەن جوعارى دەڭگەيدە قول جەتكٸزٸلگەن ۋاعدالاستىقتاردى ٸسكە اسىرۋ قارقىن العانىنا نازار اۋدارىلدى.
مەملەكەت باسشىسىنىڭ ايتۋىنشا, ميحايل ميشۋستيننٸڭ شىمكەنت قالاسىندا ٶتەتٸن ەۋرازييالىق ٷكٸمەتارالىق كەڭەس وتىرىسىنا جەنە تسيفرلىق فورۋمعا قاتىسۋى قازاقستان-رەسەي بايلانىستارىنىڭ ايرىقشا سيپاتىن جەنە ونى ودان ەرٸ ٶرٸستەتۋگە قوس تاراپتىڭ ۇمتىلىسىن تاعى دا راستايدى.
"ەكٸجاقتى ەكونوميكالىق ىنتىماقتاستىقتىڭ قالاي دامىپ كەلە جاتقانى ٶزٸڭٸزگە مەلٸم. قازٸردٸڭ ٶزٸندە قۇنى 25 ميلليارد دوللارعا جۋىق 122 ٸرٸ جوبا ٸسكە اسىرىلدى. ساۋدا كٶلەمٸ 30 ميلليارد دوللارعا جاقىندادى. بۇل جاقسى نەتيجە دەۋگە بولادى. رەسەي بٸزدٸڭ نەگٸزگٸ ساۋدا-ەكونوميكالىق, ينۆەستيتسييالىق سەرٸكتەسٸمٸز سانالادى. بۇعان, ەرينە, قۋانىشتىمىز", – دەدٸ قاسىم-جومارت توقاەۆ.
ەڭگٸمەلەسۋ بارىسىندا رەسەي فەدەراتسيياسىنىڭ پرەزيدەنتٸ ۆلاديمير ۆلاديميروۆيچ پۋتيننٸڭ قازاقستانعا جاسايتىن مەملەكەتتٸك ساپارىنا دايىندىق مەسەلەلەرٸنە باسا مەن بەرٸلدٸ.
مەملەكەت باسشىسى استانا الداعى ساپاردى ەكٸ ەل اراسىنداعى ستراتەگييالىق سەرٸكتەستٸك پەن وداقتاستىق قاتىناستاردى ودان ەرٸ دامىتۋعا تىڭ سەرپٸن بەرەتٸن ٶتە ماڭىزدى شارا رەتٸندە قاراستىراتىنىن جەتكٸزدٸ.
پرەزيدەنتتٸڭ ايتۋىنشا, ەزٸرلٸك جۇمىستارى اياسىندا سان قىرلى ىنتىماقتاستىق تاعى دا پىسىقتالدى.
