بىلىكتى ماماننىڭ ايتۋىنشا، تىنىس الۋ جەتىسپەۋشىلىگىنىڭ كريتەرييلەرىنىڭ ءبىرى وتتەگى ساتۋراسياسىنىڭ تومەندەۋى بولىپ تابىلادى. ونى جەدەل جاردەم دارىگەرلەرى انىقتايدى. ولار پۋلسوكسيمەترلەردىڭ كومەگىمەن پاسيەنتتىڭ اعزاسىنداعى وتتەگىنىڭ قۇرامىن بىردەن كورەدى. ەگەر 95-93%-دان كەم بولسا، وندا ستاسيونارلىق ەمدەۋ ۇسىنىلادى. ساتۋراسيانىڭ سىني كورسەتكىشى - 88%.
– ءبىراق تازا وتتەگى ءقاۋىپتى. ول شىرىشتى جانە وكپەنىڭ كۇيىگىن تۋدىرۋى مۇمكىن. ستاسيونارلىق جاعدايلاردا جانە قارقىندى تەراپيا پالاتالارىندا وتتەگى كونسەنتراتتارى ارقىلى ىلعالدانعان وتتەگى بەرىلەدى. مامانداردىڭ قاتاڭ قاداعالاۋىمەن مينۋتىنا 5 ليتر. وتتەگى امبۋلاتوريالىق جاعدايدا قولدانىلمايدى. سوندىقتان ادامدار ونى ءوز بەتىنشە قولدانباۋى ءتيىس، – دەپ ەسكەرتتى ساراپشى.
