ۇستازدار بۇل ۇلگىنىڭ تيىمدىلىگى دياگرافتىڭ بولماۋىندا، ياعني «ءبىر ءارىپ – ءبىر دىبىس» تالابى ساقتالىپ وتىرعاندىعى كوڭىل قۋانتادى دەيدى ۇستازدار قاۋىمى. سونىمەن قاتار، ءوڭىر پەداگوگتەرىنىڭ پىكىرىنشە، اپوستروفپەن جازۋ ەش قيىندىق تۋعىزبايتىنىنا سەنىمدى.
– قوعامنىڭ ءاربىر تىنىسىمەن تىنىستاپ وتىرعان ۇستازدار قاۋىمىنىڭ ءبىرى ءارى ءوزىم ءتىل مامانى بولعاندىقتان،ءالىپبي اۋىستىرۋ ماسەلەسىنە بەي-جاي قاراي المادىم. بۇل – ۇلتىمىزدىڭ تاريحىنداعى ەڭ ماڭىزدى وقيعا دەپ سانايمىن. سوندىقتان وسىنداي مەملەكەتتىك ماڭىزى بار ىسكە ۇلكەن جاۋاپكەرشىلىكپەن، ەرەكشە ءمان بەرە قاراعانىمىز ءجون دەپ بىلەمىن. لاتىن ءالىپبيىن ۇيرەنىپ الۋ دا اسا قيىندىق تۋعىزا قويادى دەپ تە ويلامايمىن، – دەدى ى.التىنسارين اتىنداعى №65 مەكتەپ-گيمنازيانىڭ ءمۇعالىمى مارفۋعا ءابۋتالىپ قىزى.
وعان قوسا، عالىمداردىڭ پىكىرىنە سۇيەنە بايانداما جاساعان ۇستازداردىڭ پىكىرىنشە، بۇل حالىقتىق شارانىڭ قازاق ءتىلىنىڭ دامۋىنا، قولدانىسىنىڭ كەڭەيۋىنە قوسار ۇلەسى دە قوماقتى ەكەن. لاتىن الىپبيىنە كوشۋ ارقىلى قازاقستاننىڭ تۇركى الەمىمەن بايلانىسى ودان ءارى ارتا تۇسەتىنىن دە قاداپ ايتۋدا.
– بۇكىل قوعام بولىپ تالقىلاپ جاتىرعان ماسەلەنى ءبىلىم ۇياسىنىڭ ۇستازدار قاۋىمى مەن مەكتەپ شاكىرتتەرى «دوڭگەلەك ۇستەلدە» تالقىلاعان تۇستا، جاستارىمىزدىڭ وسى ماسەلەگە قاتىستى ايتقان ۇتىمدى دا تۇششىمدى ويلارى مەنىڭ جانىما الاش رۋحىن سەزىندىرگەندەي بولدى.جالپى ايتقاندا، لاتىن الىپبيىنە كوشۋ بىزدەردى وركەنيەتكە جەتۋدىڭ ءتيىمدى ءارى وڭتايلى جولىنا جەتەلەيتىندەي كورىنەدى، – دەدى ت.تاجىبايەۆ اتىنداعى №47 مەكتەپ-گينازياسىنىڭ قازاق ءتىلى مەن ادەبيەتى ءپانى ءمۇعالىمى كۇلميرا اسان قىزى.
ايتا كەتەيىك، 9 قازان كۇنى ەلباسى مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ مۇشەلەرىمەن كەزدەسكەن بولاتىن. جيىندا مەملەكەت باسشىسىنا قوعامدىق تالقىلاۋلار بارىسىندا كەلىپ تۇسكەن ۇسىنىستاردى ەسكەرە وتىرىپ ازىرلەنگەن قازاق ءتىلىنىڭ لاتىن قارپىنە نەگىزدەلگەن ءبىرىڭعاي ستاندارتىنىڭ جوباسى ۇسىنىلدى. ەسكەركە كەتەتىنى، بۇل ۇسىنىلعان سوڭعى ۇلگى.
