قالا مەرەيتويى 18، 19، 20 تامىز كۇندەرى ءۇش كۇن قاتارىنان اتاپ ءوتىلىپ، ءتۇرلى كەڭ اۋقىمدى شارالار وتكىزىلەدى. سونىڭ ىشىندە «يادرولىق تەحنولوگيالار پاركى» اق، سەمەي يادرولىق سىناق پوليگونى مۇراجايىنا ەكسكۋرسيالار ۇيىمداستىرىلسا، قالا ورتالىعىندا مادەني، سپورتتىق شارالار وتەدى.
ەستەرىڭىزگە سالا كەتسەك، 1949 جىلى 29 تامىزدا پوليگوندا العاشقى سىناق جۇمىستارى جۇرگىزىلگەن. اتالمىش جۇمىستار بەلگىلى فيزيك مامان يگور ۆاسيليەۆيچ كۋرچاتوۆتىڭ باسشىلىعىمەن ىسكە اسقان.
قازىردە كۋرچاتوۆ قالاسى قازاقستاننىڭ يادرولىق فيزيكا سالاسىنىڭ ورتالىعى بولىپ تابىلادى. ۇلتتىق يادرولىق ورتالىق ورنالاسقان قالادا «توكاماق» جوباسى ىسكە اسۋدا. بۇل جوبا استانا قالاسىندا ءوتىپ جاتقان «ەحرو-2017» كورمەسىنىڭ باستى نىسانىنا اينالعان.
https://dalanews.kz/19584
