ءبىر ءدىندارلار بولماشى كۇنا ءۇشىن توزاقپەن قورقىتادى. وندايلاردى تىڭداپ وتىرىپ، بۇكىل ءومىرىمىز تەك كۇنادان تۇراتىنىن ويلاپ، ءومىر سۇرگىڭ كەلمەي كەتەدى.

ال ەكىنشى ءبىر ءدىندار «قانشا كۇناھار بولساڭ دا، شولدە قاتالاعان يتكە سۋ بەرسەڭ جاراتقان كۇناڭدى جۋىپ جىبەرەد» دەيدى.

بۇگىن ءبىر يمام ازاندى قۇرمەتتەۋدىڭ ساۋابىن ايتتى.

ونىڭ ايتۋىنشا، «ءبىر ايەل كىشى دارەتكە وتىرا بەرگەندە ازان باستالىپ، الگى ايەل كەلىپ قالعان دارەتتى ازان ايتىلىپ بىتكەنشە، شىعارماي شىداپتى. سوعان پالەنباي ساۋاپ جازىلىپتى» دەپ سوقتى.

قاراپ وتىرساڭىز، اركىم وزىنە ىڭعايلاپ العان.

الدىڭعىسى، پسيحيكاسى السىزدەۋ ادامدى تورىقتىرىپ دۇنيەدەن باز كەشتىرسە، سوڭعىسى ءبىزدىڭ جەمقورلار ءۇشىن كەرەمەت...

قولىندا بيلىگى باردا جەتىم-جەسىردىڭ اۋزىنداعىسىن جىرىپ جەپ، «بىزگە دە ءبىر ءشول قىسقان يت كەزدەسەر» دەپ، ساۋاپ جيناۋدى زەينەت جاسىنا قاراي ىسىرىپ تاستايتىنى جاسىرىن ەمەس.

وزگە ەلدىڭ مۇسىلماندارى وزدەرى بىلەر.

ال قازاقستان مۇسىلماندارى ءدىني باسقارماسى كوكەيگە قونىمدى حاديستەردى ءبىر جۇيەگە كەلتىرىپ، باسپادان شىعارىپ، قالعاندارىنا قاتاڭ تيىم سالۋ كەرەك-اۋ...



 

 

ءومىر شىنىبەك ۇلى

(جازبا اۆتوردىڭ فەيسبۋكتاعى پاراقشاسىنان الىندى)

 

https://dalanews.kz/25791