وپپوزيتسييالىق ساياساتكەر, تٸركەلمەگەن "العا" پارتيياسىنىڭ بۇرىنعى جەتەكشٸسٸ ۆلاديمير كوزلوۆ مەرزٸمٸنەن بۇرىن شارتتى تٷردە بوساتىلاتىن بولدى دەپ حابارلادى قۇقىق قورعاۋشى ەۆگەنيي جوۆتيس Facebook-تە.
"سوت كوزلوۆتى مەرزٸمٸنەن بۇرىن شارتتى تٷردە بوساتۋ تۋرالى شەشٸم شىعاردى. سوت شەشٸمٸ 15 كٷننەن سوڭ كٷشٸنە ەنەدٸ" دەپ جازدى جوۆتيس.
كوزلوۆ ٶزٸن مەرزٸمٸنەن بۇرىن شارتتى تٷردە بوساتۋ تۋرالى ٶتٸنٸشتٸ 16 ماۋسىمدا بەرٸپ, ونى قاپشاعاي قالالىق سوتى قاراعان.
بۇعان دەيٸن ادۆوكات ايمان وماروۆا كوزلوۆتىڭ 2 تامىزدا الماتى وبلىسى زارەچنىي كەنتٸندەگٸ لا155/14 تٷزەۋ مەكەمەسٸندە "تٷرمە ٸشٸندەگٸ تٷرمە" - قاتاڭ جاعدايداعى اباقتىدان جالپى رەجيمدەگٸ اباقتىعا اۋىستىرىلعانىن حابارلاعان.
ۆلاديمير كوزلوۆ قاتاڭ جاعدايداعى اباقتىدا بٸر جىلدان استام ۋاقىت بولعان. ونى 2015 جىلدىڭ 27 شٸلدەسٸندە 10 كٷن تٷرمە كارتسەرٸندە ۇستاعاننان كەيٸن قاتاڭ جاعدايداعى اباقتىعا جاپقان. بيىل كٶكتەمدە تٷرمە كوميسسيياسى كوزلوۆتىڭ تەرتٸبٸن "نٶلدٸك دەڭگەيدە" (تەرٸس, يا وڭ ەمەس) دەپ باعالاعانىمەن, ونى قاتاڭ تەرتٸپتەگٸ اباقتىدا قالدىرعان.
قازاقستاندا سوت شەشٸمٸمەن قىزمەتٸنە تىيىم سالىنعان وپپوزيتسييالىق "العا" پارتيياسىنىڭ بۇرىنعى باسشىسى ۆلاديمير كوزلوۆ جاڭاٶزەن وقيعاسىنا قاتىستى "ەلەۋمەتتٸك الاۋىزدىقتى ٶرشٸتكەن" دەگەن ايىپپەن 2012 جىلى جەتٸ جارىم جىلعا سوتتالعان. ۆلاديمير كوزلوۆ پەن جاقتاستارى بيلٸك تاققان ايىپتاردىڭ ساياسي استارى بار دەپ بٸلەدٸ.
