كيكىلجىڭنىڭ ءمانى مىنادا، عىلىم جونىندەگى كوميتەت يران يسلام مەملەكەتىمەن ەلوردالىق وقۋشىلار سارايىندا ەكى نانوتەحنولگيالىق زەرتحانا سالۋ تۋرالى كەلىسسوز جۇرگىزىپ جاتىر. سول جەردە كوميتەت ءتوراعاسىنىڭ ورىنباسارى كەلىسسوزدى بيىلعى جىلى يسلام رەسپۋبليكاسىندا جالعاستىرىپ، جولاي حالىقارالىق فورۋمعا قاتىسۋعا شاقىرتۋ العان. يران ەلىنە ءىس-ساپاردى Bران تارابى قارجىلاندىرعان، بۇل جايت ل.قۇساينوۆانىڭ مەملەكەتتىك قىزمەتتىڭ بەدەلىن تۇسىرگەندىگىنە قوسىمشا دالەل بولدى.
كوميتەت باسشىسى ورىنباسارىنا تاعىلعان ايىپتىڭ باستى سەبەبى ونىڭ شەتەلدەگى ساپارلارىن كەلىستىرۋدىڭ بەكىتىلگەن ءتارتىبىن بۇزۋى بولىپ تابىلادى. يرانعا اتتانۋ ءۇشىن ءبىلىم جانە عىلىم مينيسترلىگىنىڭ جاۋاپتى حاتشىسى ءامىرحان راحىمجانوۆتىڭ رۇقساتىن الۋى ءتيىس ەدى. ول كىسى رۇقسات بەرمەگەندىكتەن، ءلاززات قۇسايىنوۆا دەمالىس الىپ، يرانعا كەتىپ قالعان.
عىلىم جونىندەگى كوميتەت باسشىسىنىڭ ورىنباسارى جاۋاپتى حاتشى نومەنكلاتۋراسىنا ءتيىستى، س1 كاتەگوريالى، سوندىقتان جاۋاپتى حاتشى عانا شەتەلگە شىعۋعا رۇقسات بەرە الادى، ال ول قىزمەتكەردى شەتەلگە، ونىڭ ۇستىنە يرانعا جىبەرۋدى قاجەت دەپ تاپپاي ءوتىنىشتى قاراستىرماعان بعم ەتيكا جونىندەگى كوميسسياسىنىڭ ۋاكىلى نۇرسەيىت بايجانوۆ.
– يراننىڭ قانداي مەملەكەت ەكەنىن بىلەسىزدەر، ول جاعىن ايتپاي-اق قويايىن. عىلىم جوندەگى كوميتەتتە ءارتۇرلى تەحنولوگيالارعا قاتىستى بىرنەشە قاتار قولدانىستاعى ۇيىمدار بار، ونىڭ ىشىندە اسكەري ماقساتتاعىلار دا كەزدەسەدى. ونىڭ بۇل ۇيىمدارعا تىكەلەي قاتىسى بولماسا دا، وسى ۇيىمداردا قىزمەت ەتەتىن ادامدارمەن ارالاسۋعا مۇمكىندىگى بولدى. سول سەبەپتى قىزمەتتىك مىندەتىنە بايلانىستى كەيبىر ماسەلەلەر جايىندا حاباردار بولۋى مۇمكىن ەدى، – دەدى ول. ايتەۋىر، بىتپەيتىن شيەلەنىس. ءلاززات قۇسايىنوۆا بولسا بۇل ىسكە ءمينيستردىڭ تىكەلەي قاتىسى بار ەكەنىن ايتتى. ونىڭ پايىمداۋىنشا، ول ورىنىن بوساتپاعان ءۇشىن وسىنداي قۋعىنعا تاپ بولعان.
دەرەككوزى: sputniknews.kz
