ەكولوگيا جانە تابيعي رەسۋرستار ءمينيسترى ەرلان نىسانبايەۆ اۆتوكولىكتى قوسۋلى كۇيىندە بەس مينۋتتان ارتىق قالدىرۋعا قاتىستى قاراستىرىلعان ايىپپۇل جايىنا توقتالدى. ەكولوگ رەتىندە مينيستر بۇل تالاپتى قولدايتىنىن جەتكىزدى، دەپ جازادى Dalanews.kz.

"ەكولوگيا تۇرعىسىنان ءبىز اۆتوموبيلدەردى بەس مينۋتتان ارتىق قىزدىرۋعا سالىناتىن تىيىمدى قامتيتىن جول قوزعالىسى ەرەجەلەرىن ساقتاۋ وتە ماڭىزدى دەپ سانايمىز. ءتىپتى، سۋىق دەگەن سولتۇستىك وڭىرلەردە كولىكتى قىزدىرىپ، جۇرە بەرۋگە بەس مينۋت جەتكىلىكتى دەپ ايتا الامىن"، – دەدى نىسانبايەۆ.

مينيستر ءوز كولىگىندە مۇنى سىناپ، كەيىن ونىڭ ناتيجەسىمەن بولىسۋگە ۋادە بەردى.

بۇعان دەيىن ءماجىلىس دەپۋتاتى سەرىك ەرۋبايەۆ وڭىرلەردىڭ تەمپەراتۋرالىق رەجيمى مەن كليماتىن ەسكەرە وتىرىپ، قوسۋلى كولىككە قاتىستى نورمانى قايتا قاراۋدى سۇراعان بولاتىن.

ال ق ر ءىىم بۇل جاڭاشىلدىق ەمەس ەكەنىن، اتالعان نورمانىڭ قولدانىسقا ەنگىزىلگەننەن بەرى 20 جىلدان استام ۋاقىت وتكەنىن اتاپ ءوتتى.

ق ر ءىىم اكىمشىلىك پوليسيا كوميتەتى بۇل رەتتە ق ر اقبتك-نىڭ 597-بابىنان بۇزعانى ءۇشىن ازاماتتارعا 5 اەك (19 660 تەڭگە) مولشەرىندە، ال قايتالاپ بۇزعانى ءۇشىن – 10 اەك (39 320 تەڭگە) مولشەرىندە ايىپپۇل قاراستىرىلاتىنىن ەسكە سالادى.