– قىلمىستىق توپ 2022 جىلدىڭ قاڭتار-مامىر ايلارى ارالىعىندا شەتەلدەن اكەلىنگەن 475 اۆتوكولىكتى زاڭدا بەلگىلەنگەن الىمدار مەن الىمداردى تولەمەي زاڭسىز تىركەگەن. وسىلايشا ولار مەملەكەتكە اسا ءىرى كولەمدە 1،4 ملرد تەڭگە زالال كەلتىرگەن.
بۇگىندە 30 ادام قىلمىس جاسادى دەگەن كۇدىككە ءىلىنىپ وتىر. ولاردىڭ اراسىندا استاناداعى №2 ارناۋلى حالىققا قىزمەت كورسەتۋ ورتالىعىنىڭ باسشىسى، ءتورت پوليسيا قىزمەتكەرى مەن كولىكتەردى زاڭسىز تىركەۋدە ءوز قىزمەتتەرىن ۇسىنعان دەلدالدار بار، – دەلىنگەن انتيكور تاراتقان حاباردا.
انتيكور «ازاماتتارعا ارنالعان ۇكىمەت» مەملەكەتتىك كورپوراسياسى» كەاق استانا قالاسى بويىنشا مامانداندىرىلعان دەپارتامەنتىنىڭ ۇيىمداسقان توبىنا جانە ازاماتتىق تۇلعالارعا قاتىستى سوتقا دەيىنگى تەرگەۋ امالدارى اياقتالىپ قويعانىن العا تارتتى.
«زاڭسىزىدىققا بارعاندار «ۆەب-مودۋل» سك جانە «حقكو ياج» اقپاراتتىق جۇيەلەرىنە كولىك قۇرالدارى تۋرالى مالىمەتتەردى زاڭسىز ەنگىزۋ جانە جويۋ، مامىلەلەردىڭ جازباشا نىساندارىن قولدان جاساۋ فاكتىلەرى بويىنشا قىلمىستىق جاۋاپكەرشىلىككە تارتىلعان» دەلىنگەن حابارلامادا.
سىبايلاس جەمقورلىققا قارسى قىزمەت ازاماتتاردى اۆتوكولىكتەردى تىركەۋ كەزىندە دەلدالداردىڭ قىزمەتىن پايدالانباۋعا شاقىرادى.
https://dalanews.kz/kogam/89399-ermek-qozhamsugirov-atom-yenergetikas
