نۇر-سۇلتان قالاسىنىڭ اكىمى التاي كولگىنوۆ ازاماتتاردى قابىلدادى. تۇرعىنداردىڭ نەگىزگى سۇراقتارى جۇمىسقا ورنالاسۋ، مەديسينالىق كومەك الۋ، تۇرعىن ءۇي باعدارلامالارىنا قاتىسۋ تۋرالى بولدى.

ا. كولگىنوۆ مەملەكەت باسشىسىنىڭ تاپسىرماسىنا وراي كەلەسى جىلى قولجەتىمدى تۇرعىن ءۇي كولەمى 3 ەسەگە ارتاتىنىن اتاپ ءوتتى.

ەگەر جازدىڭ ورتاسىندا تۇرعىن ۇيگە كەزەكتە 45 مىڭ ادام تۇرسا، ءقازىر - 47،5 مىڭ ادام تۇر.

ماسەلەن، نۇرزينا 2011 جىلدان باستاپ تۇرعىن ءۇي كەزەگىندە تۇر. ول ەلوردادان ەكىباستۇزعا كوشۋ باعدارلاماسىنا قاتىسۋعا ءوتىنىش بەرگىسى كەلەدى. ونى رەزەرۆتىك تىزىمگە ەنگىزدى. ماحاببات بالاعا دوپكۋرستاردى ۇيىمداستىرۋ جانە كيىم الۋعا كومەك كورسەتۋ سۇراعىمەن جۇگىندى. وعان بۇرىن "جالپىعا مىندەتتى وقۋ" قورى بويىنشا سەرتيفيكات بەرىلدى.

2،5 ايدا ا. كولگىنوۆ 300-دەن استام ادامدى قابىلدادى. ءوتىنىش بىلدىرگەندەردىڭ ماسەلەلەرىن شەشۋ باقىلاۋعا الىندى.



سونداي-اق، قالا اكىمى "جانۇيا"ينستيتۋتىن قولداۋ ورتالىعىندا ازاماتتاردى قابىلدايدى.

"ءبىر تەرەزە" قاعيداتى بويىنشا قالا تۇرعىندارىنا 70-تەن استام قىزمەت كورسەتىلەدى.

اشىلعان ساتىنەن،ياعني 26 تامىزدان باستاپ ورتالىققا 1،5 مىڭعا جۋىق ادام ءوتىنىش ءبىلدىردى، 2 مىڭنان استام سۇراق قويىلدى. قىزمەتكەرلەر جۇيەلى كەڭەستەر بەرىپ، ماسەلەلەردى شەشۋ ءۇشىن شارالار قابىلدادى.

ازاماتتاردى قابىلداۋعا اۋدان اكىمدەرى، باسقارما باسشىلارى، تۇرعىن ءۇي قۇرىلىس جيناق بانكى جانە ت. ب. قاتىسادى.