پوەزيا – ادام جانىنا ىزگىلىك ۇيالاتىپ، جىلۋ سىيلايتىن جان ازىعى. قوعام مەن ۇرپاق تاربيەسىندە ولەڭ ءسوزدىڭ قىزمەتى ايرىقشا.
كوكتەم – ادامنىڭ جان دۇنيەسىنە ەرەكشە اسەر ەتەتىن، جاڭالىقتار اكەلىپ، شىعارماشىلىق شابىتتىڭ شارىقتايتىن شاعى. اقىنداردىڭ كوكتەمدى ءجيى جىرلايتىنى، ءار كوكتەمنىڭ اقىن تانىمىنا، سەزىم يىرىمدەرىنە ەرەكشە اسەر ەتەتىنى بەلگىلى. سول جىرلار ارقىلى ولەڭ سۇيەر، ونەر سۇيەر قاۋىم دا عاجايىپ كۇيگە بولەنەدى. ءار جىل سايىن كوكتەم مەزگىلىندە جاس اقىنداردىڭ باسىن قوسىپ، ولاردىڭ شابىتتارىنا دەم بەرىپ، قولداۋ كورسەتەتىن ادەبي جيىن، ءمۇشايرالاردىڭ ءوتۋى ماڭىزدى. ءمۇشايرانىڭ ءوتۋى ولەڭ ولكەسىندە جۇرگەن جاستاردىڭ جاڭا مۇمكىندىكتەرىن اشىپ، تۋىندىلارىنىڭ جىر سۇيەر قاۋىمعا جول تابۋىنا اسەر ەتەدى.
ماقساتى مەن مىندەتتەرى:
- ادەبي ۇردىستە دارىندى جاس اقىنداردىڭ جارقىراپ كورىنۋىنە جول اشۋ.
- شىعارمالارىنىڭ تانىلىپ، وقىرمانعا جەتۋىنە قولداۋ كورسەتۋ.
- جاس اقىنداردىڭ ىشكى مۇمكىندىكتەرىن اشىپ، شابىتتارىنا قانات ءبىتىرۋ.
- سول ارقىلى رۋحانياتتىڭ ماڭىزدى سالاسى بولىپ ەسەپتەلەتىن ادەبيەت الەمىنىڭ جاس بۋىن، جاڭا ەسىمدەرمەن تولىعۋىنا ۇلەس قوسۋ.
- جاس تالانتتار مەن وقىرمانداردىڭ، ادەبيەتتەگى اعا بۋىن مەن جاس تولقىننىڭ پىكىرلەس ورتا تابۋىنا ارقاۋ بولۋ؛
باس جۇلدە - 200 000 تەڭگە
ءبىرىنشى ورىن - 150 000 تەڭگە
ەكىنشى ورىن - 100 000 تەڭگە (ەكى جۇلدە)
ءۇشىنشى ورىن - 50 000 تەڭگە (ءۇش جۇلدە)
ىنتالاندىرۋ سىيلىعى - 20 000 تەڭگە (بەس سىيلىق)
ءمۇشايراعا قاتىسۋ شارتتارى
- ءمۇشايراعا ءار اۆتوردان 4 ولەڭ قابىلدانادى:
- 2 ولەڭ كوكتەم، ماحاببات تاقىرىبىنداعى جىرلار بولۋى ءتيىس؛
- كەلەسى 2 ولەڭ كەز كەلگەن تاقىرىپتاعى اقىننىڭ مۇمكىندىگىن كورسەتەتىن تۋىندى بولۋى شارت؛
- ءمۇشايراعا 30 جاسقا دەيىنگى جاس اقىندار قاتىسا الادى؛
- ۇسىنىلتىن شىعارمالاردىڭ جالپى كولەمى 5 بەتتەن اسپاۋى كەرەك؛
ءمۇشايراعا قاتىسۋشى ءار اۆتورعا ۇيىمداستىرۋشىلار تاراپىنان رەتتىك سان قويىلىپ، قازىلار القاسىنا تەك اۆتور ەسىمى بەلگىسىز شىعارمالار عانا ۇسىنىلادى.
سايىسقا تۇسەتىن شىعارمالارعا قويىلاتىن تالاپتار:
- شىعارمالار 2015 جىلدىڭ 15 مامىرىنا دەيىن قابىلدانادى؛
- شىعارمالار تەك ەلەكتروندى تۇردە عانا قابىلدانادى؛
- شىعارما ءماتىنىنىڭ ەلەكتروندى نۇسقاسى /مىندەتتى/ مىنا مەكەن جايعا جىبەرىلۋى ءتيىس: tamshykz@gmail.com؛
- سايىسقا بارلىق شارتتارعا ساي (تەحنيكالىق، مازمۇندىق، ت.ب.) ازىرلەنگەن شىعارمالار عانا قابىلدانادى؛
- سايىسقا قاتىساتىن شىعارما بۇرىن ەش جەردە جاريالانباعان بولۋى ءتيىس؛
- تەك قازاق تىلىندەگى شىعارمالار عانا قابىلدانادى؛
- بارلىق شىعارمالاردا جازىلعان مەرزىمى كورسەتىلۋى ءتيىس؛
قوسىمشا تالاپتار:
- قاتىسۋشىنىڭ ءاتى-جونى؛
- تۇرعىلىقتى مەكەنجايى، تەلەفون ءنومىرى، ەلەكتروندى ادرەسى، ءومىربايانى مەن شىعارماشىلىعى تۋرالى قىسقاشا اقپارات؛
- جازىلۋ ءقارىپى: Times New Roman، 14 pt.
- شىعارما ءماتىنى تەك ءبىر رەت قانا قابىلدانادى، قابىلدانعان شىعارما ءماتىنىن قايتا تۇزەتۋگە رۇقسات ەتىلمەيدى؛
- شىعارمالاردىڭ بارلىق اۆتورلىق قۇقىعى ساقتالادى.
جۇلدەگەرلەردى سالتاناتتى ماراپاتتاۋ ءراسىمى ءال-فارابي اتىنداعى قازاق ۇلتتىق ۋنيۆەرسيتەتىندە ۇلت زيالىلارىنىڭ قاتىسۋىمەن وتەدى. ماراپاتتاۋ ءراسىمى تۋرالى تولىققاندى اقپارات قاتىسۋشىلاردىڭ جەكە پوچتاسىنا جىبەرىلەدى، ب ا ق جاريالانادى.
