Poeziia – adam janyna izgilik uialatyp, jylý syilaityn jan azyǵy. Qoǵam men urpaq tárbiesinde óleń sózdiń qyzmeti airyqsha.
Kóktem – adamnyń jan dúniesine erekshe áser etetin, jańalyqtar ákelip, shyǵarmashylyq shabyttyń sharyqtaityn shaǵy. Aqyndardyń kóktemdi jii jyrlaityny, ár kóktemniń aqyn tanymyna, sezim iirimderine erekshe áser etetini belgili. Sol jyrlar arqyly óleń súier, óner súier qaýym da ǵajaiyp kúige bólenedi. Ár jyl saiyn kóktem mezgilinde jas aqyndardyń basyn qosyp, olardyń shabyttaryna dem berip, qoldaý kórsetetin ádebi jiyn, múshairalardyń ótýi mańyzdy. Múshairanyń ótýi óleń ólkesinde júrgen jastardyń jańa múmkindikterin ashyp, týyndylarynyń jyr súier qaýymǵa jol tabýyna áser etedi.
Maqsaty men mindetteri:
- Ádebi úrdiste daryndy jas aqyndardyń jarqyrap kórinýine jol ashý.
- Shyǵarmalarynyń tanylyp, oqyrmanǵa jetýine qoldaý kórsetý.
- Jas aqyndardyń ishki múmkindikterin ashyp, shabyttaryna qanat bitirý.
- Sol arqyly rýhaniattyń mańyzdy salasy bolyp esepteletin ádebiet áleminiń jas býyn, jańa esimdermen tolyǵýyna úles qosý.
- Jas talanttar men oqyrmandardyń, ádebiettegi aǵa býyn men jas tolqynnyń pikirles orta tabýyna arqaý bolý;
Bas júlde - 200 000 teńge
Birinshi oryn - 150 000 teńge
Ekinshi oryn - 100 000 teńge (eki júlde)
Úshinshi oryn - 50 000 teńge (úsh júlde)
Yntalandyrý syilyǵy - 20 000 teńge (bes syilyq)
Múshairaǵa qatysý sharttary
- Múshairaǵa ár avtordan 4 óleń qabyldanady:
- 2 óleń kóktem, mahabbat taqyrybyndaǵy jyrlar bolýy tiis;
- Kelesi 2 óleń kez kelgen taqyryptaǵy aqynnyń múmkindigin kórsetetin týyndy bolýy shart;
- Múshairaǵa 30 jasqa deiingi jas aqyndar qatysa alady;
- Usynyltyn shyǵarmalardyń jalpy kólemi 5 betten aspaýy kerek;
Múshairaǵa qatysýshy ár avtorǵa uiymdastyrýshylar tarapynan rettik san qoiylyp, qazylar alqasyna tek avtor esimi belgisiz shyǵarmalar ǵana usynylady.
Saiysqa túsetin shyǵarmalarǵa qoiylatyn talaptar:
- Shyǵarmalar 2015 jyldyń 15 mamyryna deiin qabyldanady;
- Shyǵarmalar tek elektrondy túrde ǵana qabyldanady;
- Shyǵarma mátininiń elektrondy nusqasy /mindetti/ myna meken jaiǵa jiberilýi tiis: tamshykz@gmail.com;
- Saiysqa barlyq sharttarǵa sai (tehnikalyq, mazmundyq, t.b.) ázirlengen shyǵarmalar ǵana qabyldanady;
- Saiysqa qatysatyn shyǵarma buryn esh jerde jariialanbaǵan bolýy tiis;
- Tek qazaq tilindegi shyǵarmalar ǵana qabyldanady;
- Barlyq shyǵarmalarda jazylǵan merzimi kórsetilýi tiis;
Qosymsha talaptar:
- qatysýshynyń aty-jóni;
- turǵylyqty mekenjaiy, telefon nómiri, elektrondy adresi, ómirbaiany men shyǵarmashylyǵy týraly qysqasha aqparat;
- Jazylý qaripi: Times New Roman, 14 pt.
- shyǵarma mátini tek bir ret qana qabyldanady, qabyldanǵan shyǵarma mátinin qaita túzetýge ruqsat etilmeidi;
- Shyǵarmalardyń barlyq avtorlyq quqyǵy saqtalady.
Júldegerlerdi saltanatty marapattaý rásimi ál-Farabi atyndaǵy Qazaq Ulttyq Ýniversitetinde ult ziialylarynyń qatysýymen ótedi. Marapattaý rásimi týraly tolyqqandy aqparat qatysýshylardyń jeke pochtasyna jiberiledi, BAQ jariialanady.
