قازاقستاننىڭ كٶكپار فەدەراتسيياسى قىرعىزستاننىڭ رەۆانش ٶتكٸزۋ تۋرالى ۇسىنىسىنا جاۋاپ بەردٸ, - دەپ حابارلايدى Dalanews.kz ازاتتىققا سٸلتەمە جاساپ.
فەدەراتسيياداعىلار كٶكپارشىلار قىرعىزستاندىقتار شاقىرعان كٷنگە "باسقا ماڭىزدى شارۋالار جوسپارلانعانىن" ايتادى.
"قازٸرگٸ تاڭدا كٶكپارشىلارىمىز باسقا ويىندارعا دايىندالىپ جاتىر", - دەيدٸ قازاقستاننىڭ كٶكپار فەدەراتسيياسى ٶكٸلدەرٸ.
بۇعان دەيٸن قىرعىزدار قازاقتاردى تاعى بٸر شەشۋشٸ ويىنعا شاقىرعان بولاتىن.
قىرعىزستان تاراپى 1 قاراشادا ىستىق-كٶلدە كەلٸسٸم كۋبوگىن ٶتكٸزۋگە شاقىردى. قازاقستان تاراپىنا شاقىرتۋ حاتى بٷگٸن جٸبەرٸلگەن.
"1 قاراشادا كٶكبٶرٸ جەنە كٶكپاردى سول قۇراممەن ويناۋعا شاقىرامىز. بۇل - سپورت, ويىن ەكٸ حالىق اراسىنداعى الاۋىزدىقتى تۋدىرماۋى كەرەك. بٸز حالىقتارىمىزدىڭ كەلٸسٸمٸ ٷشٸن ٶز امبيتسييالارىمىزدان باس تارتۋعا دايىنبىز. سۋديا باسقا ەلدەن بولادى", - دەيدٸ كٶكبٶرٸ فەدەراتسيياسىنىڭ باسشىسى راميس دجۋنۋساليەۆ.
ەسكە سالايىق, 12 قىركٷيەكتە دٷنيەجٷزٸلٸك كٶشپەندٸلەر ويىندارىندا تۋرنيردٸڭ فينالىندا قىرعىزستان مەن قازاقستان قۇرامالارىنىڭ كٶكپارشىلارى جاپپاي تٶبەلەسە جازداعان بولاتىن.
"ۇلىسمەديا" مەلٸمەتٸنشە, بٸرٸنشٸ تايمنىڭ سوڭىنا 6 مينۋت قالعاندا 1:3 ەسەبٸمەن قىرعىزستان قۇراماسى العا شىققان. وسىدان كەيٸن جانجال باستالىپ كەتتٸ. سپورتشىلار بٸرٸن-بٸرٸ قامشىمەن ۇردى. كەيٸن پوليتسييا كەلٸپ, ولاردى اجىراتتى. فينال ۋاقىتشا توقتاتىلدى. قوس تاراپ سابىرعا كەلٸپ, كەيٸننەن ويىن جالعاستى.
Massaget.kz مەلٸمەتٸنشە, ويىن نەتيجەسٸ بويىنشا, قازاقستان ۇلتتىق قۇراماسى توپ جاردى. وتانداستارىمىز فينالدا قىرعىز شاباندوزدارىن ۇتتى.
ەكٸنشٸ كەزەڭدە قازاقستان قۇراماسى ەسەپتٸ تەڭەستٸرٸپ قانا قويماي, 4:3 ەسەبٸمەن العا وزعان. الايدا قىرعىزدار ويىن اياقتالار تۇستا سالىم سالىپ, نەتيجەنٸ تەڭەستٸرٸپ كەتتٸ.
قوسىمشا ۋاقىتتاعى سايىستا 5:4 ەسەبٸمەن قازاقستان قۇراماسى جەڭٸسكە جەتتٸ.
"كٶشپەندٸلەر ويىندارىنىڭ وقۋ-جاتتىعۋ جيىنىن جىل باسىندا باستادىق. ەلدٸ قۋانتامىز دەگەن ماقساتىمىز بولعان ەدٸ. قىرعىز اعايىندارمەن كەزدەسۋ قيىن بولادى دەگەن ەدٸم. راسىندا سولاي بولدى. دەسە دە ەل نامىسىن قولدان بەرمەي, ٷمٸتتٸ اقتادىق", – دەدٸ كٶكپاردان ۇلتتىق قۇرامانىڭ باس باپكەرٸ اقىلباي مانكەەۆ.
قىرعىزستاندىق سپورتشىلار ماراپات اياقتالعانىن كٷتپەي تريبۋنادان كەتٸپ قالدى.
