باس پروكۋرور بەرىك اسىلوۆ ءماجىلىس دەپۋتاتتارىنىڭ قارجىلىق پيراميدالارعا قاتىستى ساۋالىنا جاۋاپ بەردى، – دەپ حابارلايدى Dalanews.kz.
"بيىل قارجى پيراميداسىن قۇرۋ جانە وعان باسشىلىق ەتۋ دەرەكتەرى بويىنشا قىلمىستىق ىستەردى تىركەۋ ەكى ەسەدەن اسا وسكەنى بايقالادى (27-دەن 62-گە دەيىن)، بۇل قۇقىق قورعاۋ ورگاندارىنىڭ ولاردى انىقتاۋ جونىندەگى جۇمىستى ايتارلىقتاي جانداندىرعانىن كورسەتەدى.
سوڭعى بەس جىلدا پيراميدا قۇرباندارىنىڭ سانى جەتى ەسەگە ازايدى، ەگەر 2020 جىلى 3575 بولسا، 2024 جىلى 522 بولدى»، - دەپ مالىمدەدى بەرىك اسىلوۆ.
ونىڭ ايتۋىنشا، 2024 جىلى قازاندا «قارجىلىق (ينۆەستيسيالىق) پيراميدا بەلگىلەرىن بەكىتۋ تۋرالى» بىرلەسكەن بۇيرىققا قول قويىلعان (قاتىسۋشىلار – بپ، قما، ءىىم جانە قنردا). ازىرلەنگەن بەلگىلەر قارجىلىق پيراميدالاردىڭ قىزمەتىن باستاپقى كەزەڭدەردە انىقتاۋعا جانە جولىن كەسۋگە ىقپال ەتەدى.
«باس پروكۋراتۋرانىڭ تاپسىرماسى نەگىزىندە مۇنداي ىستەر كومپانيالار قارجىلىق پيراميدانىڭ بەلگىلەرىنە جاتاتىن بولسا، وندا ارىز تۇسپەگەنىنە جانە زارداپ شەككەندەرگە كەلتىرىلگەن زيان بولماۋىنا قاراماي تىركەلە باستادى. مىسالى، بيىل 4-7 اقپان ارالىعىندا «اsar ۆaspana» قارجىلىق پيراميداسىن قۇرۋ جانە وعان باسشىلىق ەتۋ دەرەگى بويىنشا اۋماقتىق قارجىلىق مونيتورينگ بولىمشەلەرى سوتقا دەيىنگى 20 تەرگەپ-تەكسەرۋدى تىركەدى»، - دەيدى باس پروكۋرور.
بەرىك اسىلوۆ ينتەرنەتتە بەلسەندى جۇمىس جۇرگىزىلىپ جاتقانىن، ونىڭ ناتيجەلەرى بويىنشا بيىل 1 848 قۇقىققا قايشى ماتەريال انىقتالعانىن (2024 ج. 5 695) جانە 1 458 ينتەرنەت رەسۋرسقا قولجەتىمدىلىك شەكتەلگەنىن (2024 ج. – 4 662) مالىمدەدى.
"كيبەرقاداعالاۋ" جۇيەسىن پايدالانا وتىرىپ، قارجىلىق پيراميدالاردى جارنامالايتىن 4،2 مىڭ رەسۋرس (2024 جىلى – 14،2 مىڭ) بۇعاتتالدى. قارجىلىق مونيتورينگ اگەنتتىگى «Baiqa، piramida» Telegram-بوتىندا قارجىلىق پيراميدا بەلگىلەرىنە ازاماتتاردىڭ توعىز مىڭنان اسا ءوتىنىمىن قارادى"، - دەپ حابارلادى اسىلوۆ.
سونىمەن قاتار، بيىلعى 12 ناۋرىزدا ۇكىمەت باس پروكۋراتۋرانىڭ باستاماسىمەن الاياقتىق سحەمالار مەن قارجىلىق پيراميدالارعا قارسى ءىس-قيمىل جونىندەگى جول كارتاسىن بەكىتكەنىن ەسكە سالدى.
