قازاقستاندىق تازى ٶسٸرۋشٸ اننا زاحاروۆا مەملەكەت باسشىسى قاسىم-جومارت توقاەۆتان سىيعا العان قولساعاتىن ساتۋ تۋرالى شەشٸمٸنەن باس تارتتى. ول بۇل بۇيىمنىڭ ٶزٸ ٷشٸن جاي عانا باعالى زات ەمەس, پرەزيدەنتپەن كەزدەسۋدەن قالعان ەرەكشە ەستەلٸك ەكەنٸن ايتتى, دەپ حابارلايدى dalanews.kz.
بۇعان دەيٸن اننا زاحاروۆا پرەزيدەنت سىيلاعان ساعاتتى ساتىلىمعا قويعان بولاتىن. ونىڭ قۇنى 2 ملن 899 مىڭ تەڭگە دەپ كٶرسەتٸلگەن. ساعاتتىڭ تٷپنۇسقالىعىن راستايتىن تيٸستٸ قۇجاتتارى بار ەكەنٸ دە ايتىلعان.
زاحاروۆانىڭ سٶزٸنشە, قولساعاتتى وعان قاسىم-جومارت توقاەۆ 2023 جىلى ناۋرىز مەرەكەسٸ كەزٸندە سىيلاعان. سول كەزدەسۋدە تازى ٶسٸرۋشٸ مەملەكەت باسشىسىنا بٸر جارىم ايلىق تازى كٷشٸگٸن تارتۋ ەتكەن. پرەزيدەنت وعان ٶز قولتاڭباسى قويىلعان ساعات تابىستاعان.
العاشىندا ساعاتتى تاقپايتىنىن ايتقان زاحاروۆا ونى كوللەكتسيونەرلەرگە ۇسىنۋدى جٶن كٶرگەن. تٸپتٸ ۋاقىت ٶتە كەلە مۇنداي بۇيىمنىڭ قۇنى ارتىپ, الداعى ون جىلدا 30 ميلليون تەڭگەگە دەيٸن باعالانۋى مٷمكٸن دەگەن بولجامىن دا بٸلدٸرگەن.
الايدا ساتىلىم تۋرالى اقپارات تاراعاننان كەيٸن ول شەشٸمٸن ٶزگەرتٸپ, ساعاتتى ٶزٸندە قالدىراتىنىن مەلٸمدەدٸ.
«بۇل جاعدايعا قاتىستى تٷسٸنٸكتەمە بەرگٸم كەلەدٸ. ەڭ الدىمەن, بۇل سىيلىقتىڭ مەن ٷشٸن ەرقاشان ەرەكشە قۇندىلىعى بولعانىن اتاپ ٶتكٸم كەلەدٸ. ساعاتتى العان سەتتەن باستاپ ونى جاي عانا زات رەتٸندە ەمەس, مەملەكەت باسشىسىمەن جەكە كەزدەسكەن ماڭىزدى ەرٸ ەرەكشە وقيعادان قالعان ەستەلٸك سىيلىق رەتٸندە قابىلدادىم», – دەدٸ اننا زاحاروۆا.
وسىلايشا, تازى ٶسٸرۋشٸ پرەزيدەنتتەن العان سىيلىعىن ساتپاي, ەستەلٸك رەتٸندە ساقتاپ قالۋعا شەشٸم قابىلدادى.
