قازاقستان رەسپۋبليكاسى ۇكىمەتىنىڭ قاۋلىسىمەن كەگەن احمەت ۇلى تۇرسىنبايەۆ توتەنشە جاعدايلار ۆيسە-مينيسترى قىزمەتىنە تاعايىندالدى، دەپ حابارلايدى Dalanews.kz.
بۇل تۋرالى 2024 جىلى 15 قازاندا ق ر ۇكىمەتىنىڭ باسپا ءسوز قىزمەتى حابارلادى.
1971 جىلى شىعىس قازاقستان وبلىسىندا دۇنيەگە كەلگەن. لەنين كومسومولى اتىنداعى ەكى مارتە قىزىل تۋلى ريازان جوعارى اۋە دەسانتتىق كوماندالىق ۋچيليششەسىن، ل.ن. گۋميليەۆ اتىنداعى ەۋرازيا مەملەكەتتىك ۋنيۆەرسيتەتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ءار جىلدارى ق ر رەسپۋبليكالىق ۇلانى، ق ر ۇلتتىق قاۋىپسىزدىك كوميتەتىنىڭ شەكارا قىزمەتى قاتارىندا قىزمەت ەتكەن.
2020-2021 جىلدارى شىعىس قازاقستان وبلىسى بويىنشا تۇتىنۋشىلاردىڭ قۇقىقتارىن قورعاۋ كوميتەتى دەپارتامەنتىنىڭ باسشىسى بولىپ جۇمىس ىستەدى.
2021-2022 جىلدارى — ق ر پرەزيدەنتى ءىس باسقارماسىنىڭ ءبولىم باستىعى.
2022-2024 جىلدارى ق ر ىشكى ىستەر مينيسترلىگىنىڭ قۇرىلىمىندا باسشىلىق قىزمەتتەر اتقاردى.
2024 جىلعى ساۋىردەن باستاپ قازىرگى ۋاقىتقا دەيىن — ق ر تجم ازاماتتىق قورعانىس جانە اسكەري بولىمدەر كوميتەتىنىڭ ءتوراعاسى.
