ەكولوگتار وبلىس ورتالىعىنىڭ جاعالاۋ ايماعىنان ماي داقتارى مەن قوقىستى تاپپادى، دەپ حابارلايدى Dalanews.kz Lada.kz سايتىنا سىلتەپ.
12 شىلدە كۇنى 15-شاعىناۋدان ماڭىنداعى سۋ بەتىندە ماي داقتارى مەن قالقىپ جۇرگەن قوقىستاردى تۇرعىندار بايقاپ قالعان. ولاردىڭ ايتۋىنشا، تەڭىز تەز لاستانعان جانە مۇنى بىرەۋ ادەيى توككەندەي اسەر قالدىرعان.
ماڭعىستاۋ وبلىسىنىڭ ەكولوگيا دەپارتامەنتى مالىمدەگەندەي، سول كۇنى زەرتحانالىق-تالدامالىق باقىلاۋ ءبولىمىنىڭ ماماندارى وقيعا ورنىنا بارعان.
«اقتاۋ قالاسىنىڭ 15-شاعىناۋدانىنداعى تەڭىز جاعالاۋىنىڭ لاستانۋىنا بايلانىستى الەۋمەتتىك جەلىلەردە تاراعان اقپاراتقا وراي شولۋ جۇمىستارى جۇرگىزىلدى. شولۋ بارىسىندا لاستانعان اۋماق انىقتالعان جوق»، – دەپ جاۋاپ بەردى ەكولوگيا دەپارتامەنتى اتالعان جاريالانىمعا.
