كاسپيي تەڭٸزٸندەگٸ ەسكەري وقۋ-جاتتىعۋ كەزٸندە امان قالعان ٷش ەسكەري قىزمەتشٸنٸڭ قازٸرگٸ جاعدايى تۋرالى جاڭا مەلٸمەت جارييالاندى. ٷشەۋٸ دە ماڭعىستاۋ وبلىستىق كٶپبەيٸندٸ اۋرۋحاناسىندا ەم قابىلداپ جاتىر, دەپ حابارلايدى dalanews.kz.
مەديتسينالىق مەكەمەنٸڭ باسپاسٶز قىزمەتٸنٸڭ مەلٸمەتٸنشە, وقيعا بولعان كٷنٸ, 24 قىركٷيەكتە اۋرۋحاناعا اقجول تەمەرحان جەتكٸزٸلگەن.
ال نيكيتا ۋدالوۆ پەن بەكەت قۋاندىق 26 قىركٷيەكتە مەديتسينالىق مەكەمەگە تٷسكەن.
قازٸر ٷش ەسكەري قىزمەتشٸ دە اۋرۋحانانىڭ تەراپييا بٶلٸمشەسٸندە جاتىر. دەرٸگەرلەر ولاردىڭ جاعدايىن تۇراقتى دەپ باعالاپ وتىر.
مامانداردىڭ ايتۋىنشا, ساربازداردىڭ ەسٸ انىق, ٶزدٸگٸنەن جٷرٸپ-تۇرا الادى. قازٸرگٸ ۋاقىتتا ولاردىڭ دەنساۋلىعىنا قاتىستى شاعىمى جوق. ٷشەۋٸ دە دەرٸگەرلەردٸڭ تۇراقتى باقىلاۋىندا.
ەسكە سالايىق, 24 قىركٷيەكتە ەسكەري وقۋ-جاۋىنگەرلٸك تاپسىرمانى ورىنداۋ كەزٸندە اۋا رايى كٷرت ناشارلاپ, قاتتى جەل سوققان. سونىڭ سالدارىنان كاسپيي تەڭٸزٸندە 17 ەسكەري قىزمەتشٸ سۋعا كەتكەن. ولاردىڭ ٷشەۋٸ امان قالىپ, 14 ەسكەري قىزمەتشٸ قازا تاپقان.
