«نەگىزگى مىندەت – ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ءونىمىنىڭ ەكسپورتىن 2022 جىلعا قاراي 2،5 ەسە كوبەيتۋ. ماسەلەن، تۇركىستان وبلىسىندا «بورتە ميلكا» ءجشس-ى جاڭا زاماناۋي تەحنولوگيالاردى پايدالانۋدىڭ ارقاسىندا ونىمدىلىكتى 2 ەسەگە ارتتىرعان» دەگەن بولاتىن.
ءوزى باسقاراتىن كومپانيانىڭ جولداۋدا ەلباسىنىڭ جىلى پىكىرگە يە بولعانىنا قۋانعان «بورتە-ميلكا» كومپانياسىنىڭ باسشىسى، تۇركىستاندىق كاسىپكەر نۇرالى ابىشيەۆ بريفينگ وتكىزىپ، ەلباسىعا ارنايى تەلەگرامما جولداعانىن مالىمدەدى.
جەدەلحاتتا بەلگىلى كاسىپكەر «قۇرمەتتى، ەلباسى! ءبىزدىڭ كاسىپورىندى بۇكىل ەلگە ۇلگى ەتىپ كورسەتۋىڭىز ونىڭ قۇرىلتايشىسى رەتىندە مەنى ايرىقشا قۋانىشقا بولەدى. ءسىزدىڭ «بورتە-ميلكاعا» ارناعان جىلى لەبىزىڭىز ءبىزدىڭ ۇجىمعا قانات ءبىتىردى. كاسىپورىننىڭ وسىنداي دارەجەگە جەتۋىنە ءسىزدىڭ ۇلەسىڭىز زور. سەبەبى، ءوزىڭىزدىڭ باستاماڭىزبەن كاسىپكەرلىك سالاسىنا مەملەكەتتەن كوپتەگەن جەڭىلدىكتەر جاسالىپ جاتىر. مەن دە مەملەكەتتىك قولداۋعا يە بولىپ، 1 ملرد. تەڭگەگە زاماناۋي تەحنيكالار مەن قۇرىلعىلار ورناتتىم. ناتيجەسىندە تۇركىستان وبلىسىندا جاسالعان ءسۇت ونىمدەرى ەلىمىزدىڭ تۇكپىر-تۇكپىرىنە تاراپ جاتىر. بيىلعى جولداۋىڭىزدا ايتىلعان مىندەتتەردى ورىنداۋعا بارىنشا كۇش سالامىز جانە باستامالارىڭىزدى ناقتى ىسپەن قولدايتىن بولامىز!» دەپ جۇرەكجاردى تولقىنىسىن جەتكىزىپتى.
نۇرالى ابىشيەۆتىڭ ايتۋىنشا، كاسىپكەرلەرگە ۇلگى رەتىندە ايتىلعان كاسىپورىنداعى قۇرىلعىلار اسا قىمبات، ءارى ساپالى. كاسىپكەر كومپانيانى دامىتۋعا 3 ميلليارد تەڭگە جۇمساسا، ونىڭ 1 ميللارد تەڭگەسىنە شەتەلدەن قۇرىلعى ساتىپ العان. بۇگىندە ورداباسى اۋدانىنداعى كومپانيادا 70 ادام جۇمىس ىستەپ جاتىر.
«ەلگە تانىمال «بورتە ميلكا» ءسۇت-تاۋارلىق فەرماسى ءوندىرىستى مودەرنيزاسيالاۋ شەڭبەرىندە شۆەد تەحنولوگياسى بويىنشا تاۋلىگىنە 8 توننا ءسۇت وندىرۋدە. ءوӊىردە بالاماسى جوق كاسىپورىن رەسپۋبليكا بويىنشا ەӊ زاماناۋي ءسۇت-تاۋارلىق فەرمالارىنىӊ العاشقى ۇشتىگىنە كىرەدى. مۇنداعى جۇمىس تولىعىمەن روبوتتاندىرىلعان. كەشەندە بۇگىندە 400-دەن اسا ساۋىن سيىر بار. ءۇش مەزگىل ساۋىلاتىن ءبىر ءىرى قارانىڭ تاۋلىكتىك ورتاشا ونىمدىلىگى — 30-32 ليتر. سونداي-اق، وڭىردەگى جاس مامانداردى جۇمىسقا قابىلداپ وتىرمىز. الداعى ۋاقىتتا زاۋىتقا گوللانديالىق تەحنولوگيانى ەندىرۋ ارقىلى ونىمدىلىكتى ەسەلەۋدى جوسپارلاپ وتىرمىز. جالپى بۇل جولداۋ اۋىل شارۋاشىلىعى سالاسىنداعى كاسىپورىندارعا قولداۋ بولماق»، — دەدى نۇرالى ءالماحان ۇلى.
تۇركىستان وبلىسى اكىمىنىڭ باسپا ءسوز قىزمەتى
