ازاماتتىق پەن جومارتتىق سىنعا تۇسكەن كەزەڭدە بەلگىلى كاسىپكەر، مەسەنات راشكۇل وسپانالييەۆا "تۇركىستان" الەۋمەتتىك-كورپوراتيۆتىك دامۋ قورىنا 25 ملن. تەڭگە اۋدارىپ، ايرىقشا جاناشىرلىق تانىتتى.
«بەرەكە-ا» كورپوراسياسىنىڭ باسشىسى راشكۇل وسپانالييەۆا بۇعان دەيىن دە قايىرىمدى ىستەرىمەن تانىلىپ جۇرگەن جان.
«مەملەكەت تاراپىنان ىندەتتى تاراتپاۋ، ەلدىڭ دەنساۋلىعى مەن قاۋىپسىزدىگىن ساقتاۋ ماقساتىندا كەشەندى جۇمىستار اتقارىلىپ جاتىر. بۇل قيىن ساتتە ەلدىڭ ءاربىر ازاماتى قوعامعا قولدان كەلگەن كومەگىن كورسەتۋى ءتيىس دەپ ەسەپتەيمىن. قاۋىپسىزدىك ەرەجەلەرىن ساقتاپ، سابىر ساقتاي بىلسەك، بۇل قيىندىقتان دا شىعامىز»، – دەيدى كاسىپكەر.
«ءبىز بىرگەمىز!» اكسياسى بويىنشا تۇركىستان وبلىسىنىڭ اۋدان، قالالارىندا 2 مىڭنان استام وتباسىعا ازىق-تۇلىك، گيگيەنالىق جانە مەديسينالىق زاتتار تاراتىلىپ جاتىر. بۇل مىندەتتى ورىنداۋعا «Nur Otan» پارتياسى فيليالدارىنىڭ وكىلدەرى، «جاسوتاندىقتار» جانە ەرىكتىلەر تارتىلعان.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
