سەناتتا جۋرناليستەر ىشكى ىستەر ءمينيسترىنىڭ ورىنباسارىنان ۇقك-نىڭ بۇرىنعى ءتوراعاسى كارىم ءماسىموۆ ناقتى قاي كولونيادا جازاسىن وتەپ جاتقانىن سۇرادى. الايدا ناقتى جاۋاپ بەرىلمەدى، دەپ حابارلايدى Dalanews.kz.
"ونىڭ قايدا ەكەنىنەن تەك تۋىستارى مەن ادۆوكاتتارى حاباردار. ءقازىر ول باس بوستاندىعىنان ايىرىلعاندار مەكەمەسىندە"، - دەدى سانجار ءادىلوۆ قىسقاشا.
سونداي-اق، جۋرناليستەر نەگە بۇل اقپارات جاسىرىن ساقتالاتىنىن سۇراعان. ويتكەنى وزگە سوتتالعاندارعا قاتىستى مۇنداي مالىمەت كەيدە اشىق ايتىلادى. ءبىراق سانجار ءادىلوۆ بۇل سۇراققا ناقتى جاۋاپ بەرمەگەن.
