كارانتيندە تابىسىنان ايىرىلعان 2,3 ميلليوننان استام ازامات قارجىلاي قولداۋعا يە بولدى
تٶلەمدٸ 2 ملن 308,3 مىڭ قازاقستاندىق الدى, ونىڭ ٸشٸندە 2 ملن 290,8 مىڭ ادام تامىز ايىندا كارانتيننٸڭ ۇزارتىلۋىنا بايلانىستى 0,5 ەتج – 21 250 مىڭ تەڭگە مٶلشەرٸندە قوسىمشا اقى الدى. وسى باعىتتاعى جۇمىس جالعاسۋدا.
مەسق-تان تٶلەم الۋعا ٶتٸنٸمدەر بٸرنەشە ارنالار ارقىلى قابىلدانادى. 2 ملن 531 مىڭ ٶتٸنٸمنٸڭ ٸشٸندە:
– 834,9 مىڭ ادام پرواكتيۆتٸ فورماتتا تٶلەم تاعايىنداۋعا كەلٸسٸم بەرگەن;
– 651 مىڭ ادام Egov.kz پورتالى جەنە telegram-بوتتار ارقىلى;
– 390,4 مىڭ ادام 42500.enbek.kz پورتالى ارقىلى;
– 654,7 مىڭ ادام ەكٸنشٸ دەڭگەيدەگٸ بانكتەردٸڭ موبيلدٸك قوسىمشالارى مەن ينتەرنەت-رەسۋرستارى ارقىلى;
– 0,2 مىڭ ادام شتابتار ارقىلى ٶتٸنٸش بەرگەن.
ازاماتتاردىڭ ساناتتارى بٶلٸنٸسٸندە:
– 834,9 مىڭ ٶتٸنٸش بٸرىڭعاي جيىنتىق تٶلەم تٶلەۋشٸلەردەن كەلگەن (پرواكتيۆتٸ فورماتتا);
– 239,1 مىڭ ٶتٸنٸشتٸ جالدامالى قىزمەتكەرلەرٸ ٷشٸن جۇمىس بەرۋشٸلەر بەرگەن;
– 1 ملن 457,2 مىڭ ٶتٸنٸش ازاماتتاردىڭ باسقا ساناتتارىنان كەلٸپ تٷستٸ (جەكە كەسٸپكەرلەر, جەكە پراكتيكامەن اينالىساتىن ادامدار, ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).
تٶلەم 2 ملن 315,7 مىڭ ادامعا تاعايىندالدى. اقشالاي قاراجات 2 ملن 308,3 مىڭ قازاقستاندىققا اۋدارىلدى.
بۇعان دەيٸن حابارلانعانداي, قازاقستان اۋماعىندا كارانتيننٸڭ 2 اپتاعا سوزىلۋىنا بايلانىستى مەسق-تان بٸرجولعى تٶلەم الۋشىلارعا 0,5 ەتج – 21 250 تەڭگە مٶلشەرٸندە قوسىمشا اقى تٶلەنەدٸ.
2020 جىلدىڭ شٸلدەسٸندە مەسق-تان بٸرجولعى تٶلەم العان قازاقستاندىقتارعا كارانتيننٸڭ ۇزارتىلۋىنا بايلانىستى قوسىمشا اقى اۆتوماتتى تٷردە تاعايىندالادى. قايتا ٶتٸنٸش بەرۋدٸڭ قاجەتٸ جوق.
كارانتين ۇزارتىلعاننان كەيٸن بٸرجولعى تٶلەم تاعايىنداۋعا العاش رەت ٶتٸنٸش بەرگەن ازاماتتارعا تٶلەم 1,5 ەتج نەمەسە 63 750 تەڭگە (42 500 + 21 250 تەڭگە) مٶلشەرٸندە تاعايىندالادى.
ٶتٸنٸش قابىلداۋ 2020 جىلدىڭ 1 قىركٷيەگٸنە دەيٸن جالعاسادى.
