اتالعان ءتارتىپ جاريا تالقىلاۋ ءۇشىن اشىق نقا پورتالىندا ورنالاستىرىلدى، قۇرامىنا دەنساۋلىق ساقتاۋ باسقارمالارى جانە مۇددەلى مەملەكەتتىك ورگاندار كىرەتىن جۇمىس توبىمەن تالقىلاندى، سىبايلاس جەمقورلىققا قارسى ساراپتامادان ءوتتى، «اتامەكەن» ۇكپ، اككرەديتتەلگەن ۇيىمدارمەن، ق ر ەڭبەك جانە حالىقتى الەۋمەتتىك قورعاۋ مينيسترلىگىمەن، قارجى نارىعىن رەتتەۋ جانە دامىتۋ اگەنتتىگىمەن كەلىسىلدى.
«2021 جىلعى 2 قاڭتارداعى قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكونوميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2021 جىلعى 2 قاڭتارداعى قازاقستان رەسپۋبليكاسىنىڭ زاڭىن ىسكە اسىرۋ ءۇشىن قاجەتتى ۇكىمەتتىڭ نورماتيۆتىك اكتىلەرىنىڭ تىزبەسى» 2021 جىلعى 30 قاڭتارداعى № 12ء-و وكىمىنە سايكەس وسى بۇيرىقتى قابىلداۋ مەرزىمى 2021 جىلعى ناۋرىزدا. بۇيرىق 2021 جىلعى 15 اقپاندا مەرزىمىنەن بۇرىن بەكىتىلىپ، قازاقستان رەسپۋبليكاسىنىڭ ادىلەت مينيسترلىگىندە 2021 جىلعى 17 اقپاندا تىركەلدى.
ءبىرجولعى زەينەتاقى تولەمدەرىن ەمدەلۋگە پايدالانۋ ەل ازاماتتارىنىڭ تەگىن مەديسينالىق كومەكتىڭ كەپىلدىك بەرىلگەن كولەمى جانە (نەمەسە) مىندەتتى الەۋمەتتىك مەديسينالىق ساقتاندىرۋ جۇيەسى ەسەبىنەن جابىلمايتىن مەديسينالىق قىزمەتتەردى قوسىمشا الۋعا مۇمكىندىك بەرەدى.
ءبىرجولعى زەينەتاقى تولەمدەرى ەسەبىنەن تولەنەتىن مەديسينالىق قىزمەتتەر تىزبەسىنە:
- ورفاندىق اۋرۋلاردى دارى-دارمەكپەن قامتاماسىز ەتۋدى قوسا العاندا، ەمدەۋ، سونداي-اق ەمدەۋ تاكتيكاسىن ايقىنداۋ ءۇشىن دياگنوستيكالىق زەرتتەۋلەر؛
- قازاقستان رەسپۋبليكاسىنىڭ اۋماعىندا ورنالاسقان مەديسينالىق ۇيىمداردا كورسەتىلەتىن ستوماتولوگيالىق قىزمەتتەر (ءتىستى پروتەزدەۋ، يمپلانتاسيا؛
- وپەراسيادان كەيىنگى تىرتىقتار مەن تۋا بىتكەن اقاۋلاردى، سونداي-اق ماستەكتوميادان كەيىن تۇزەتۋ ماقساتىندا رەكونسترۋكتيۆتى جانە قالپىنا كەلتىرۋ وپەراسيالارى (پلاستيكالىق)
- راديونۋكليدتىك جانە راديويودتەراپيا
- راديوحيرۋرگيالىق ەمدەۋ
- پروتون تەراپياسى
- وفتالمولوگيالىق قىزمەتتەر.
مەديسينالىق قىزمەتتەردىڭ وسى تىزبەسى حالىقتىڭ قاجەتتىلىگىن ەسكەرە وتىرىپ قايتا قارالۋى مۇمكىن.
ەمدەلۋگە بەرىلەتىن ءبىرجولعى زەينەتاقى تولەمدەرىن پايدالانۋ ءۇشىن ءوتىنىش بەرۋشى بجزق-دان ءبىرجولعى زەينەتاقى تولەمىنىڭ قولجەتىمدى سوماسى تۋرالى اقپاراتتى، ونىڭ ىشىندە بجزق-نىڭ ينتەرنەت-رەسۋرسى ارقىلى ءوز بەتىنشە الۋى قاجەت.
سودان كەيىن جوعارىدا كورسەتىلگەن تىزبەگە سايكەس جەكە باسىن كۋالاندىراتىن قۇجاتتىڭ كوشىرمەسىن جانە بەيىندى ماماننىڭ قورىتىندىسىن قوسا بەرە وتىرىپ، ءبىرجولعى زەينەتاقى تولەمدەرى ەسەبىنەن ەمدەلۋگە جىبەرۋ تۋرالى قورىتىندىنى الۋ ءۇشىن تىركەلگەن جەرى بويىنشا ەمحانانىڭ دارىگەرلىك-كونسۋلتاسيالىق كوميسسياسىنا جۇگىنۋگە قۇقىعى بار.
دارىگەرلىك-كونسۋلتاسيالىق كوميسسيا ءوتىنىش بەرۋشى ءوتىنىش بەرگەن كۇننەن باستاپ 5 (بەس) جۇمىس كۇنىنەن كەشىكتىرمەي شەشىم قابىلدايدى.
دارىگەرلىك-كونسۋلتاتيۆتىك كوميسسيا شەشىمدى ازامات ءوتىنىش بەرگەن كۇننەن باستاپ بەس جۇمىس كۇنىنەن كەشىكتىرمەي قابىلدايدى. قورىتىندىنى العاننان كەيىن ءوتىنىش بەرۋشى شەتەلدىك ۇيىمدى (ستوماتولوگيالىق قىزمەتتەردى قوسپاعاندا) قوسا العاندا، مەديسينالىق ۇيىمدى تاڭداۋى ءتيىس، ونىمەن شارتتىڭ سكانەرلەنگەن نۇسقاسىن ءارى قاراي تىركەي وتىرىپ جانە ۋاكىلەتتى وپەراتوردىڭ ينتەرنەت-رەسۋرسىنداعى (وتباسى بانك) ءوزىنىڭ جەكە كابينەتىندە دارىگەرلىك كوميسسيا جاساسۋمەن مەديسينالىق قىزمەتتەر كورسەتۋ تۋرالى شارت جاساسادى.
ۋاكىلەتتى وپەراتور (وتباسى بانك) الۋشى ۇسىنعان قۇجاتتار ءبىرجولعى زەينەتاقى تولەمدەرىنىڭ نىسانالى ماقساتىنا سايكەس كەلگەن كەزدە الۋشىدان قۇجاتتاردى العان كۇننەن باستاپ بەس جۇمىس كۇنى ىشىندە ءبىرجولعى زەينەتاقى تولەمدەرىن ولاردىڭ نىسانالى ماقساتى بويىنشا اۋدارادى.
وسى بۇيرىق رەسمي جاريالانعان كۇنىنەن باستاپ قولدانىسقا ەنگىزىلەدى.
«ەمدەلۋگە ارنالعان ءبىرجولعى زەينەتاقى تولەمدەرىن پايدالانۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2021 جىلعى 15 اقپانداعى № ق ر دسم-18 بۇيرىعى جاقىندا رەسمي جاريالانادى دەپ كۇتىلەدى.
