Atalǵan tártip jariia talqylaý úshin ashyq NQA portalynda ornalastyryldy, quramyna densaýlyq saqtaý basqarmalary jáne múddeli memlekettik organdar kiretin jumys tobymen talqylandy, sybailas jemqorlyqqa qarsy saraptamadan ótti, «Atameken» UKP, akkredittelgen uiymdarmen, QR Eńbek jáne halyqty áleýmettik qorǵaý ministrligimen, Qarjy naryǵyn retteý jáne damytý agenttigimen kelisildi.
«2021 jylǵy 2 qańtardaǵy Qazaqstan Respýblikasynyń keibir zańnamalyq aktilerine ekonomikalyq ósýdi qalpyna keltirý máseleleri boiynsha ózgerister men tolyqtyrýlar engizý týraly» 2021 jylǵy 2 qańtardaǵy Qazaqstan Respýblikasynyń Zańyn iske asyrý úshin qajetti Úkimettiń normativtik aktileriniń tizbesi» 2021 jylǵy 30 qańtardaǵy № 12-ó ókimine sáikes osy buiryqty qabyldaý merzimi 2021 jylǵy naýryzda. Buiryq 2021 jylǵy 15 aqpanda merziminen buryn bekitilip, Qazaqstan Respýblikasynyń Ádilet ministrliginde 2021 jylǵy 17 aqpanda tirkeldi.
Birjolǵy zeinetaqy tólemderin emdelýge paidalaný el azamattarynyń tegin meditsinalyq kómektiń kepildik berilgen kólemi jáne (nemese) mindetti áleýmettik meditsinalyq saqtandyrý júiesi esebinen jabylmaityn meditsinalyq qyzmetterdi qosymsha alýǵa múmkindik beredi.
Birjolǵy zeinetaqy tólemderi esebinen tólenetin meditsinalyq qyzmetter tizbesine:
- orfandyq aýrýlardy dári-dármekpen qamtamasyz etýdi qosa alǵanda, emdeý, sondai-aq emdeý taktikasyn aiqyndaý úshin diagnostikalyq zertteýler;
- Qazaqstan Respýblikasynyń aýmaǵynda ornalasqan meditsinalyq uiymdarda kórsetiletin stomatologiialyq qyzmetter (tisti protezdeý, implantatsiia;
- operatsiiadan keiingi tyrtyqtar men týa bitken aqaýlardy, sondai-aq mastektomiiadan keiin túzetý maqsatynda rekonstrýktivti jáne qalpyna keltirý operatsiialary (plastikalyq)
- radionýklidtik jáne radioiodterapiia
- radiohirýrgiialyq emdeý
- proton terapiiasy
- oftalmologiialyq qyzmetter.
Meditsinalyq qyzmetterdiń osy tizbesi halyqtyń qajettiligin eskere otyryp qaita qaralýy múmkin.
Emdelýge beriletin birjolǵy zeinetaqy tólemderin paidalaný úshin ótinish berýshi BJZQ-dan birjolǵy zeinetaqy tóleminiń qoljetimdi somasy týraly aqparatty, onyń ishinde BJZQ-nyń internet-resýrsy arqyly óz betinshe alýy qajet.
Sodan keiin joǵaryda kórsetilgen tizbege sáikes jeke basyn kýálandyratyn qujattyń kóshirmesin jáne beiindi mamannyń qorytyndysyn qosa bere otyryp, birjolǵy zeinetaqy tólemderi esebinen emdelýge jiberý týraly qorytyndyny alý úshin tirkelgen jeri boiynsha emhananyń dárigerlik-konsýltatsiialyq komissiiasyna júginýge quqyǵy bar.
Dárigerlik-konsýltatsiialyq komissiia ótinish berýshi ótinish bergen kúnnen bastap 5 (bes) jumys kúninen keshiktirmei sheshim qabyldaidy.
Dárigerlik-konsýltativtik komissiia sheshimdi azamat ótinish bergen kúnnen bastap bes jumys kúninen keshiktirmei qabyldaidy. Qorytyndyny alǵannan keiin ótinish berýshi sheteldik uiymdy (stomatologiialyq qyzmetterdi qospaǵanda) qosa alǵanda, meditsinalyq uiymdy tańdaýy tiis, onymen sharttyń skanerlengen nusqasyn ári qarai tirkei otyryp jáne ýákiletti operatordyń internet-resýrsyndaǵy (Otbasy bank) óziniń jeke kabinetinde dárigerlik komissiia jasasýmen meditsinalyq qyzmetter kórsetý týraly shart jasasady.
Ýákiletti operator (Otbasy bank) alýshy usynǵan qujattar birjolǵy zeinetaqy tólemderiniń nysanaly maqsatyna sáikes kelgen kezde alýshydan qujattardy alǵan kúnnen bastap bes jumys kúni ishinde birjolǵy zeinetaqy tólemderin olardyń nysanaly maqsaty boiynsha aýdarady.
Osy buiryq resmi jariialanǵan kúninen bastap qoldanysqa engiziledi.
«Emdelýge arnalǵan birjolǵy zeinetaqy tólemderin paidalaný qaǵidalaryn bekitý týraly» Qazaqstan Respýblikasy Densaýlyq saqtaý ministriniń 2021 jylǵy 15 aqpandaǵy № QR DSM-18 buiryǵy jaqynda resmi jariialanady dep kútiledi.
