ولارعا ق ر قىلمىستىق كودەكسىنىڭ 115-بابى “قورقىتۋ”، 147-بابى “جەكە ومىرگە قول سۇعۋ”، 158-بابى “جۋرناليستىك قىزمەتكە كەدەرگى كەلتىرۋ”، 202-بابى “بىرەۋدىڭ مۇلكىن قاساقانا جويۋ نەمەسە ءبۇلدىرۋ” جانە 293-بابى “بۇزاقىلىق” بويىنشا ايىپ تاعىلۋدا.
الماتىدا ارانداتۋشىلىق شابۋىلداردىڭ تىكەلەي ۇيلەستىرۋشىسى – شەتەلدىك ازامات، بىلىكتى حاكەر و.توكاريەۆ ۇستالدى.
ونىڭ ۋاقىتشا تۇرىپ جاتقان جەرىنەن شابۋىلداردى باسقارۋ، ءانونيمدى Telegram-اككاۋنتتاردا “تاپسىرىستار” بەرۋ، ورىنداۋشىلاردى تابۋ جانە ولاردىڭ اكسيالارىنا اقى تولەۋ جۇرگىزىلگەن تەحنيكا تابىلىپ، تاركىلەنگەن.
اتالعان توپ ۆ.بورەيكوعا، گ.باجكەنوۆاعا، گ.ەرعالييەۆاعا، س.يبرايەۆاعا جانە بۇقارالىق اقپارات قۇرالدارىنىڭ باسقا دا وكىلدەرىنە قارسى 30-دان استام ارانداتۋشىلىق شابۋىل جاساعان.
بۇل – اۆتوكولىكتى ورتەۋ، جۋرناليستەرگە، ولاردىڭ تۋىستارى مەن رەداكسيالارعا قوقان-لوققى كورسەتۋ مەن شابۋىلدار جاساۋ، DDoss شابۋىلدار. قىلمىستىق توپ شابۋىلدارىنىڭ باستى ماقساتى – جۋرناليستەردى قۋدالاۋدى يميتاسيالاۋ ارقىلى ق ر پرەزيدەنتىن جانە ول جۇرگىزىپ وتىرعان دەموكراتيالىق رەفورمالاردى ديسكرەديتاسيالاۋ.
كۇدىكتى ۋاقىتشا ۇستاۋ يزولياتورىنا قامالدى. تەرگەۋ مۇددەسىنە سايكەس باسقا مالىمەتتەر جاريا ەتىلمەيدى.
شۇعىلا تۇرلىبەك
