جۇمىسسىز جاستاردىڭ كەزىگەتىن ءتۇرلى سيتۋاسيالارىندا قالاي شىعۋ كەرەكتىگىن تۇسىندىرگەن بەلگىلى پسيحولوگ ءدىلدا ساقتاعان بولدى.
اتالعان ءىس-شارا ق ر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ تاپسىرى اياسىندا، "ادىرنا" جانە "اق تىلەك" قوعامدىق قورىنىڭ سەرىكتەستىگىنىڭ ۇيىمداستىرۋىمەن ءوتتى. شاراعا جۇمىسسىز جاستار، ءبىتىرۋشى ستۋدەنتتەر قاتىستى.
ءىس-شارانىڭ ماقساتى - كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.
كۇن تارتىبىندە جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرىن انىقتاۋ، جاستارعا كومەك بەرۋ جانە كاسىبي باعدارلاۋ تۇرلەرى، ەڭبەك نارىعىنداعى قاجەتتى ماماندىقتار، جاستاردى كاسىپكەرلىك قىزمەتكە وقىتۋ، جاستارىنىڭ قوردالانعان ماسەلەلەرى تۋرالى ءسوز قوزعالدى.
![](/uploads/images/20240127170752063.png)
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ايتىلدى.