ق ر پرەمەر-مينيسترىنىڭ ءبىرىنشى ورىنباسارى اسقار مامين باستاعان جۇمىسشى توپ وبلىس ورتالىعىندا اتقارىلىپ جاتقان قۇرىلىس جۇمىستارىمەن تانىسقان سوڭ تۇركىستان قالاسىن دامىتۋعا ارنالعان جيىنعا قاتىستى.
كەلەلى جيىنعا ق ر مادەنيەت جانە سپورت ءمينيسترى ا.مۇحامەدي ۇلى، ق ر قوعامدىق دامۋ ءمينيسترى د.قالەتايەۆ، ق ر ەنەگەتيكا ءمينيسترىنىڭ ورىنباسارى م.مىرزاعالييەۆ وزگە دە مينيسترلىك وكىلدەرى مەن ۇلتتىق كومپانيا باسشىلارى، تۇركىستان وبلىسىنىڭ اكىمى ج.تۇيمەبايەۆ جانە وزگە دە وبلىس باسشىلىقتارى قاتىستى.
جيىندا العاشقى بولىپ وبلىس اكىمى جانسەيىت تۇيمەبايەۆ الداعى ۋاقىتتا جۇزەگە اسىرىلاتىن جوبالار جونىندە تانىستىردى.
«ەلباسىنىڭ تاپسىرماسىنا سايكەس، تۇركىستان قالاسىن دامىتۋ جونىندەگى جوسپارىن ىسكە اسىرۋعا وزگە وبلىستاردان بولەك ۇلتتىق كومپانيالار مەن بيزنەس وكىلدەرى اتسالىساتىن بولادى. بۇگىندە قۇرىلىس جۇمىستارىمەن اينالىساتىن مەردىگەرلەرگە قاتىستى قۇجاتتار ازىرلەنىپ، ءتيىستى شارالار اتقارىلۋدا. ياعني، جاڭادان سالىناتىن نىساندارعا ارنالعان جەر تەلىمدەرى زەرتتەلىپ، دايىندالۋدا. سونداي-اق، ينجەنەرلىك كوممۋنيكاسيالار ءۇشىن تەحنيكالىق سيپاتتامالار جاسالىپ، ساۋلەتتىك جوسپارلاۋ جۇمىستارى جۇرگىزىلدى»، – دەدى جانسەيىت قانسەيىت ۇلى.
سونداي-اق، باسقوسۋدا تۇركىستان قالاسىنىڭ وزگە دە سالالارىن دامىتۋ بويىنشا ءبىرقاتار مينيسترلەر مەن مينيسترلىك وكىلدەرى الداعى جۇمىس جوسپارلارى جونىندە بايانداما جاسادى. اتاپ ايتقاندا، ق ر مادەنيەت جانە سپورت ءمينيسترى ا.مۇحامەدي ۇلى ازىرەت سۇلتان كەسەنەسىنىڭ اينالاسىن جاڭعىرتۋعا باعىتتالعان جوبالارمەن تانىستىردى. «استاناگەنپلان» جشس-ڭ ديرەكتورى س.ءجۇنىسوۆ تۇركىستان قالاسىنداعى جاڭا اكىمشىلىك-ىسكەرلىك ورتالىق نوبايىن كورسەتتى. ال «BI Group» جشس-ڭ وكىلى ا.زيكيرين اكىمشىلىك-ىسكەرلىك ورتالىقتا بوي كوتەرەتىن تۇرعىن ءۇي كەشەنى مەن ۇلى دالا مۇزەيى، تۋريستىك ورتالىق، شىعىس مونشاسى، امفيتەاتر، قوجا احمەت ياساۋي مۋزەيى، وقۋشىلار سارايى، وبلىستىق عىلىمي-امبەباپ كىتاپحانا، مەديا ورتالىق، «استانا» الاڭى، ورتالىق ستاديون سىندى عيماراتتاردىڭ جوباسىمەن تانىستىردى.
جيىندى قورىتىندىلاعان ق ر پرەمەر-مينيسترىنىڭ ءبىرىنشى ورىنباسارى اسقار مامين ءىستى جوسپاردان كەشىكتىرمەي دەر كەزىندە ورىنداۋدى تاپسىردى.
