بۇگىندە قازاقستان مەن وزبەكستان اراسىندا ارىپتەستىك بايلانىس ارتا ءتۇستى. ماسەلەن، بيىلدىڭ وزىندە بەكەتتەر اشىلىپ، ەكى ەلدىڭ اراسىندا جاڭادان پوەزد بەن اۆتوبۋستار قاتىناپ، كەدەندەگى ءبىرقاتار اكسيزدىك تولەم الىنىپ تاستالدى.
بۇل جولعى مەملەكەت باسشىسىنىڭ جۇمىس ساپىرىندا دا 10 ماڭىزدى قۇجاتقا قول قويىلدى. سونىڭ ىشىندە ەكى ەل پرەزيدەنتىنىڭ قاتىسۋىمەن وڭتۇستىك قازاقستان وب¬لى-سىنىڭ اكىمى جانسەيىت تۇيمەبايەۆ پەن تاشكەنت وبلىسىنىڭ حوكيمى بابايەۆ شۋكۋرۋللو مەن سىرداريا وبلىسىنىڭ حوكيمى اشۋرماتوۆ ويبەك جانە دجيزاك وبلىسىنىڭ حوكيمى يسموليلوۆ سايفۋددين اراسىندا ساۋدا-ەكونوميكالىق جانە مادەني-گۋ¬مانيتارلىق سالالارداعى ءوزارا ءتۇ¬سىنىستىك تۋرالى مەموراندۋم ءتۇزىلدى.
سونىمەن قاتار، ەلباسىنىڭ كورشى ەلگە جاساعان ساپارى اياسىندا ۇيىمداستىرىلعان ەكى ەل كاسىپكەرلەرىنىڭ قاتىسۋىمەن قازاق-وزبەك بيزنەس-فورۋمى ءوتتى. باۋىرلاس ەلدەردىڭ ساۋدا-ەكونوميكالىق ىنتىماقتاستىعىنىڭ ارتۋىنا مۇمكىندىك بەرەتىن كەزدەسۋگە قازاقستاندىق 300-دەن استام كاسىپكەر قاتىستى. ىسكەرلىك كەزدەسۋگە وڭتۇستىك قازاقستان وبلىسىنان ءوڭىر باسشىسى باستاعان 150-دەن استام كاسىپكەر قاتىستى.
ەكى ەلدىڭ عاسىردان بەرى جالعاسقان دوستىق قارىم-قاتىناسى جاندانعان ىسكەرلىك جيىندا وقو كاسىپكەرلەرى مەن وزبەكستاندىق بيزنەسمەندەر اراسىندا ساۋدا-ەكونوميكالىق تۋرالى 7 ىنتىماقتاستىق مەموراندۋمىنا قول قويىلدى. سونداي-اق، قازاقستان بويىنشا قۇنى 1،2 ملرد اقش دوللارىن قۇرايتىن بىرنەشە كەلىسىمدەر ءتۇزىلدى. سونداي ءتيىمدى كەلىسىمدەردىڭ بىرىنە ەلىمىزدەگى 200-دەن استام دارى-دارمەك شىعارۋمەن اينالىساتىن «حيمفارم» اكسيونەرلىك قوعامى قول جەتكىزدى. ەلدەگى وسى سالاداعى جەتەكشى كاسىپورىن بۇعان دەيىن كورشى قىرعىزستان ازەربايجان، تۇركىمەنستان، مونعوليا سىندى ەلدەرگە ءوز ونىمدەرىن ەكسپورتتاپ كەلگەن بولسا، ەندى مىنە وزبەكستانعا ءوز ءونىمىن شىعارماق.
ايتا كەتەيىك، جىل باسىنان بەرى وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ كورشى ەلمەن قارىم-قاتىناستى كۇشەيتۋ ماقساتىندا ءبىرقاتار كەلىسسوزدەر جۇرگىزىپ، ىسكەرلىك جيىندار وتكىزدى. ماسەلەن، ەلباسىنىڭ تاپسىرماسىنا سايكەس ترانسشەكارالىق وگەم وزەنىنەن سۋدى بىرىگىپ پايدالانۋ ماقساتىندا وزبەكستان مەملەكەتىمەن كەلىسسوزدەر جۇرگىزىلىپ، اۋىز سۋ ءبولىپ الۋعا كەلىسىم جاسالدى. ناتيجەسىندە، الداعى بەس جىلدا وڭتۇستىك قازاقستان وبلىسىنىڭ 700 مىڭعا تارتا حالقى بار ءۇش اۋدانى ساپالى اۋىز سۋمەن قامتاماسىز ەتىلەتىن بولادى.
وزبەكستان كۇنگەي كاسىپكەرلەرى ءۇشىن 32 ميلليوندىق تۇتىنۋشىسى بار ەڭ جاقىن نارىق. سوندىقتاندا تاۋار اينالىمىن ارتتىرىپ، كاسىپكەرلىكتى بىرلەسە دامىتۋ ماقساتىندا ناۋرىز ايىندا ج.تۇيمەبايەۆ باستاعان وڭتۇستىكقازاقستاندىق دەلەگاسيا وزبەكستانعا رەسمي ساپارمەن بارعان-دى. ناتيجەسىندە مامىر ايىندا تاشكەنت تاۋار وندىرۋشىلەرىنىڭ كورمەسى شىمكەنتتە ۇيىمداستىرىلىپ، وعان 200-دەي كاسىپورىن ءوز ونىمدەرىن ۇسىندى.
ەكى ەلدىڭ قارىم-قاتىناسىن جاقسارتۋ ماقساتىندا ناۋرىز ايىندا «الماتى-تاشكەنت» جانە «سامارقاند-تاشكەنت-استانا» باعىتىنداعى العاشقى پويىز جولعا شىقتى. بۇدان بولەك، شىلدە ايىندا تاشكەنت-تەرمەز اۆتوجولى مەن «سىرداريا» وتكىزۋ بەكەتى اشىلدى.
وقو اكىمىنىڭ باسپا ءسوز قىزمەتى
